عمرو أديب عن ارتفاع الأسعار: مش لازم نأكل بيض أورجانيك ماله العادي وليه ليه مانرجعش نخبز في البيت؟.. الغلاء بتاع الحرب لسه جاي

الإعلامي للمواطنين: ملوش لازمة أبدا العربيات اللي بتتاخد وننزل نتفسح بليل..البنزين غالي وهيغلى  

كتبت: ليلى فريد  

قال الإعلامي عمرو أديب، إن غلاء الأسعار الحالي بدأ قبل الحرب الأوكرانية، مضيفا: الغلاء اللي إحنا فيه ده بتاع قبل الحرب، بتاع الحرب لسه جاي. 

وتابع خلال تقديم برنامجه «الحكاية» عبر فضائية «mbc مصر»: «مش لازم نأكل بيض أورجانيك ماله البيض العادي، كله البسطرمة يبقى حلو، مش لازم نشتري المنتج الغالي طالما الأرخص منه نفس الجودة، وبالنسبة لأزمة العيش ليه مانرجعش نخبز في البيوت زي ما كنا بنعمل من 100 سنة».  

وأضاف: «هاجي في وقت يا هقلل شرائي للسلع الغذائية دي، أو مش هشتريها خالص، الدولة تضبط الأسعار ده أمر ملكش دعوة بيه ومتحطوش في دماغك لأنه مفيش حاجة بتيجي كده». 

وقال أديب إن دور الدولة في هذا الأمر يتمثل في أنها تيجي تقولك آن الأوان إن يكون عندك تجربة في جمعية استهلاكية فيها كل حاجة.. وقارن وقول لي. 

وتطرق عمرو أديب، إلى ارتفاع أسعار البنزين، قائلا إنه من الضرورة أن تهدأ حمى الاستهلاك. 

وطالب بتخطي ما وصفه بمرحلة الهلع والشكوى إلى مرحلة التصرف والصمود، مضيفا: «ملوش لازمة أبدا العربيات اللي بتتاخد وننزل نتفسح بليل.. البنزين غالي وهيغلى». 

وقال عمرو أديب: «فيه ناس في أمريكا ابتدت تعمل العيش عندها في البيت، وده إحنا كنا بنعمله من تريليون سنة».  

وأضاف: «ليه أشتري السلع بسعر أغلى من المفروض بيه وهي مفيهاش جودة؟، أنا ليه أشتري زجاجة الزيت بـ35 و36 و37 وهي بـ31 جنيه؟ وهي ليها سعر واحد في السوق كله؟».