آخر رسالة للدكتور أحمد اللواح أول طبيب يدفع حياته ثمنا لمواجهة كورونا: ليه.. لازم تخليكوا في البيت

كتبت – أميرة الفقي

تنشر درب آخر بوست للدكتور أحمد اللواح، أستاذ الباثولوجي بطب الأزهر ببورسعيد، أول طبيب يدفع حياته ثمنا لاداء واجبه في مواجهة فيروس كورونا المستجد/ ونصائحه للمواطنيين للتعامل مع الفيروس.

ونعت نقابة الأطباء الدكتور أحمد اللواح، شهيد الواجب، اليوم الإثنين، مشيرة إلى أنه رحل إثر إصابته بفيروس كورونا أثناء عمله. وقال الدكتور إيهاب الطاهر، أمين عام نقابة الأطباء، إن اللواح هو أول شهيد بكورونا من الأطباء. وأضاف لـ”درب”: “ليس لدينا حصر دقيق بالمصابين من الأطباء، ونتمنى أن تتواصل الصحة معنا في هذا الخصوص”.

ودعا الدكتور أحمد اللواح عبر صفحته علي “فيسبوك” يوم السبت الماضي المواطنين للبقاء في المنزل وفسر فوائد العزل المنزلي لمدة أسبوعين تجنبا لإنتشار الفيروس.

ورد اللواح، الذي يعد أول ضحايا الأطقم الطبية في مصر وفاة بالفيروس، على السؤال بشأن مبرر البقاء في المنزل، وما الذي سيحدث حال عزل المواطنين أنفسهم داخل منازلهم لمدة أسبوعين، خاصة مع احتمالية انتشار الفيروس مجددا مع عودتهم إلى حياتهم الطبيعية بعد فترة العزل.

ليه خليك في البيت ؟؟؟——————————-وايه اللي هيحصل لما نقعد فى البيت أسبوعين ؟!! الناس تتساءل : يعنى بعد الأسبوعين دول…

Geplaatst door Ahmed Ellawah op Zaterdag 21 maart 2020

نص المنشور:

ليه خليك في البيت ؟؟؟——————————-
وايه اللي هيحصل لما نقعد فى البيت أسبوعين ؟!!
الناس تتساءل : يعنى بعد الأسبوعين دول هيحصل إيه ؟
ما احنا هنرجع تانى لحياتنا و الفيروس هينتشر تانى ؟
خد بالك معايا : الناس الوقتي أربع أنواع :
١-ناس لم يصلها الفيروس : و دا هيستفيد إنه مش هيجيله العدوى .
٢-ناس حاملة الفيروس من غير اى أعراض ، فدول قعدتهم فى البيت مش هيعدوا حد، و مع الوقت الأجسام المناعية هتقضى على الفيروس اللى فى جسمهأ .
٣-ناس حاملة للفيروس و عندها أعراض خفيفة ، ودول قعدتهم فى البيت هتخليهم مش هيعدوا حد ومناعة الجسم مع الوقت هتقتل الفيروس فى جسمهم برضو
وبعد الأسبوعين هيكون اتخلص من الفيروس و اكتسب مناعة طبيعية كمان
٤-ناس حاملة للفيروس و عندها اعراض شديدة ودول محتاجين يروحوا المستشفى و يتعالجوا فيها .
اهم شيء هام جدا جدا :
الفيروسات اللى انتشرت على الأسطح والأرض و حتى لو فى الهواء هتموت بعد أسبوعين لو مالقتش جسم انسان تتكاثر فيه .
المهم المهم المهم خلال الأسبوعين دول -لو التزمنا -ممكن الفيروس يموت فى الخارج لو مالقاش جسد يدخله
و يموت فى داخل اجسامنا كمان
الفيروس محتاج جسد بنى ادم علشان يتكاثر ولو مالقاش بيموت وهى دى الفكرة من القعاد فى البيت .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *