السيسي عن ارتفاع سعر كيلو البامية لـ100 جنيه: الرسول والصحابة حوصروا 3 سنين في مكة لحد ما أكلوا ورق الشجر لم يقولوا جيبوا لنا نأكل

السيسي: خايف أن إحنا نبقا جاحدين للى ربنا عملهونا ويسلط علينا أنفسنا فندمر.. خايف إن قلة الوعي تخرب الإنجاز

كتبت: ليلى فريد  

الرسول حوصر في شعاب مكة 3 سنوات، وكان سيدنا جبريل بينزل عليه بالوحي، والصحابة لم يقولوا جيبوا لنا نأكل ولا المية تتفجر من تحتنا، وقعدوا 3 سنين لحد ما أكلوا ورق الشجر 

علق الرئيس عبد الفتاح السيسي، على ارتفاع سعر كيلو البامية مؤخرًا، قائلا: “لما كيلو البامية يصل سعره إلى 100 جنيه مش بقلق لأن المواطن المصري واعي، بس تتكلم فيه كأنه حالة أو حكاية ده مش صحيح، أو حتى لو كان الحقيقة، مش بقولك غش أو زيف، لا تقول للناس وتفهمها. 

وأضاف خلال كلمته في حفل افتتاح مشروع “مستقبل مصر”: “النبي محمد صلى الله عليه وسلم، حبس وحصر في (شعب مكة) 3 سنوات.. وكان سيدنا جبريل ينزل عليه بالوحي، لا الصحابة والتابعين ساعتها كانوا بيقولوا عاوزين نأكل أو فجرنا المياه من تحتنا، ده ربنا بقي كن فيكون، 3 سنين وصلوا إلى أنهم يأكلوا ورق الشجر، إحنا مش كده، إحنا أصلب من كده بكتير، شكرا”. 

وأكد السيسي، أن هناك 3 مصادر لمياه المشاريع الزراعية الجديدة، معقبا: “مشروع المياه سواء كان لمستقبل مصر من الترع والمصارف اللى بنجمعها، بنجيب المياه من 3 مصادر أبار ومعالجة مياه ثلاثية متطورة مثل المحسمة وبحر البقر، وخلال السنة الحالية افتتاح محطة جديدة، وهو عبارة عن استخدام لمياه صرف زراعي يتم معالجتها طبقا لمعايير منظمة الصحة العالمية، ويتم نقلها عبر ترع مبطنة او مواسير، والمصدر الثالث عبر ترشيد استخدام المياه عبر استخدام الطرق الحديثة والصوب الزراعية”. 

وأضاف:” خفنا التوسع في الصوب ميخليش فرصة للخضروات لحد تاني، وبالتالي اللى عنده 3 قراريط هضيع عليه الفرصة قد يكون ده لمستوى الرضا المجتمعي، لكن كمان ببض لعامل مجتمعي آخر وهو نوعية الزراعة اللى الناس شغالة فيها، مش هقولكم إن مصر بتعمل ده لآن ده عملنا، لكن مشينا في مسارات إنفاقها عالى جدا، وقد يرى البعض أن ده من منظور اقتصادي تكلفته كبيرة”. 

وتابع: “والله العظيم تلاتة هذا فضل كبير من ربنا سبحانه وتعالى للى ميعرفش، أن ربنا يساعدنا نعمل ده ونتحرك فيه من سنتين علشان نعمله، شوفوا توشكى اللى كان وقفها قبل كده مش عيب في الاختيار ولا عيب في التخطيط، لكن عدم القدرة على التنفيذ، وأنا هنا يا محمد يا زكي بسجل ليكم وقدام المصريين كلكم أن الجيش في مصر مش حارب الإرهاب، الجيش في مصر حارب التخلف والتردي وعدم القدرة للدولة مع المستثمرين ورجال الأعمال جنبا إلى جنب”. 

وقال السيسي: “خايف أن إحنا نبقا جاحدين للى ربنا عملهونا.. خايف أنه هو يسلط علينا أنفسنا فندمر، مستشهدا بقوله تعالى: “أمرنا مترفيها ففسقوا فيها”، وعقب قائلا: “خايف من كتر الجهل وعدم الوعي نخرب ده”.