السيسي لـ كامل الوزير: وزير الدفاع بيقولي عليك 75 مليار جنيه.. ووزير النقل يرد: ده جيشنا يا فندم لو معملناش وساعدنا مين اللي هيعمل؟ (فيديو)
السيسي: عاوزين نغني الناس مش الناس تاخد دعم كل شوية وخلاص.. ودول عملت تعديل وراثي للجاموس بتاعنا وبيطلع 25 كيلو لبن
كتب: عبد الرحمن بدر
وجّه الرئيس عبد الفتاح السيسي، سؤالا لكامل الوزير، وزير النقل، قائلا: «انتوا دفعتوا فلوس تطوير محطة أسوان يا كامل؟.. أنا بتكلم بجد»، فأجاب الوزير: «لما كنت في الهيئة الهندسية كنت طالب من وزارة النقل 44 مليون جنيه، أدوني تقريبا 4 وضربوا على الباقي، ولما جيت في وزارة النقل حاولت أدي إيهاب وأوصله لـ40 مليون وهو مصر ياخد 44 مليون، ولو حضرتك سمحتلي تبقى دي هدية من القوات المسلحة للشعب المصري يا فندم».
وقال السيسي، ردا على وزير النقل خلال افتتاح التوسعات الجديدة والتطوير لمصنع كيما للأسمدة: «وزير الدفاع بيقولي عليه 75 مليار»، فأجابه الوزير: «ده جيشنا يا فندم لو معملناش مين اللي هيعمل؟».
وتابع: «عاوزين نغني الناس مش الناس تاخد دعم كل شوية وخلاص ومننهضش، أوعوا تفتكروا رقم الـ 62 مليار تكلفة فروق الفوائد لدعم المشروعات اتحط من غير تكلفة على الدولة».
وأضاف السيسي: «لما جينا نعمل الفكرة الناس قاومتنا رغم إن المصلحة في الجنب التاني، أنا بدخلك في نظام مش محلى بدخلك كمنتج، وبقدر أقول إن حجم الفاقد تقل وجدارة المنتج تزيد، كان عندنا ألف مركز قلنا نبدا 200 واصبح لدينا 160..الجاموس بتاعنا أتاخد لدولة عملتله تعديل وراثى، كان بيطلع 6 كيلو لبن عملته 25 كيلو لبن ..يا نهار أبيض !!!!!! ..طيب إحنا مش قادرين نخلى الجاموس مع الناس ..أوزع من ده وادفع دعم لده..أيوه ..ليه؟ لأن أنا هغير حياتك كنت هتطلع 5 كيلو دلوقتي 25».
وأكد السيسي، أن المواطن لديه الخيارات الكافية لتعظيم دخله، فهناك 350 ألف فدان مزروعين بقصب السكر، يحققوا 40 لـ45 ألف طن قصب للفدان، من خلال الري بالتنقيط.، والرى بالتنقيط زراعة كويسة يقلل تلوث ويوفر العمالة.
