السيسي يقترح إجراء معايشة قصيرة لأبناء الشهداء بأكاديمية الشرطة.. ويعلق على عرض الاصطفاف: دول ولادنا وليسوا مليشيات 

كتب: صحف  

اقترح الرئيس عبد الفتاح السيسي، إجراء معايشة قصيرة لأبناء الشهداء خاصة الراغبين في الالتحاق بأكاديمية الشرطة عقب الثانوية العامة. 

وقال السيسي خلال كلمته في حفل عيد الشرطة الـ 74: “الداخلية دول ولاد مصر وشباب وشابات من كل بيت في مصر، مهم جدا نحافظ على الصلة اللى بين مؤسسات الدولة وشعبها، هاتوا شباب الجامعات يجوا يعيشوا”. 

وعلق السيسي، على عرض الاصطفاف السنوي لجانب من قوات الشرطة، قائلا: “أوعى حد بيتفرج على الصورة دي يفرق بين أبناء وبنات شعبنا، إحنا مش جايبين ناس من خارج مصر، دول ولادنا؛ لا هما مليشيات ولا جماعات خارج القانون”. 

وتابع: “دول ينتمون لمؤسسة من مؤسسات الدولة، دول أبناء وبنات مصر من شعبنا، مش موجودين في المكان ده غير للحفاظ على أمن مصر”. 

وأضاف أن البعض قد يسيئ للمشهد ويفسره على غير حقيقته، ممكن حد يحاول يسيئ ويقول شوف، آه شوف، إحنا بنعمل ده مش عشان نحمي نظام، إحنا بنعمل ده عشان نحمي دولة بشعبها”. 

وقال السيسي: “المعمول ده مش لحماية شخص، ده لحماية شعب ودولة من مخاطر وتهديدات شفناها كلها على مدار السنين اللي فاتت ولسة مانتهتش، دول ولاد وشباب وشابات من كل بيت في مصر”. 

وتابع: المنظر ده عشان بلدنا في ظل التحديات الموجودة في كل حتة وإنتم شايفين، لحماية بلد وشعبها ومقدراته، مش لحمايتي والله”.