وفاة عضو بحزب الدستور في مستشفى المنصورة بعد إصابته بأزمة قلبية داخل محبسه

أعلن حزب الدستور، وفاة الدكتور الصيدلي أحمد ياسين، عضو الحزب، مساء الاثنين، داخل مستشفى سجن المنصورة، إثر إصابته بأزمة قلبية داخل محبسه.

ونعى الدستور والحركة المدنية الديمقراطية عضو الحزب، المحبوس فى سبتمبر 2021 غلى ذمة القضية 910 لسنة 2021 حصر أمن دولة عليا، بتهمة نشر أخبار كاذبة عن الأوضاع السياسية والاقتصادية بالبلاد بقصد تكدير السلم العام.
وكتبت رفيدة حمدي، زوجة الناشط المحبوس محمد عادل: “الدكتور أحمد ياسين محبوس من حوالي سنة تقريبًا ف سجن المنصورة مع محمد عادل واتنقل معاهم لسجن جمصة، الحقيقة إن دكتور ياسين كان -حسب كلام محمد- مثال للأخلاق والتفاهم والتعاون وكان محمد مبسوط جدا جدا بصحبته”.
واضافت: ” الدكتورة لمياء قشوع زوجة دكتور ياسين هي أيضًا مثال للتعاون، وكانت بتجهز نفسها لزيارة العيد وبتسألني لو هبعت معاها حاجة لمحمد بما أني مش رايحة في العيد”.
واضافت: “الدكتورة لمياء كانت منتظرة جدا خروج جوزها مش بس عشانها وعشانه عشان أولادهم اللى فيه منهم طفل خمس سنين تقريبا، وفيه منهم طالبة ثانوية عامة”.
وتايعت: “أنا حقيقي مصدومة ومش عارفة أقول حاجة ومش قادرة أستوعب، رحم الله دكتور أحمد ياسين وأنزل الصبر والسلوان والسكينة ع زوجته وأولاده، إنا لله وانا إليه راجعون، أرجوكم كفاية سجون لحد كده أرجوكم كفاية”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *