بعد تراجع الإصابات بكورونا.. السيسي عايزين نوصل لصفر ونحافظ عليه علشان داخلين على المدارس والشتاء
كتب- فارس فكري
قال الرئيس عبدالفتاح السيسي، إن مصر تمكنت من تحقيق نجاحا كبيرا في مواجهة فيروس كورونا المستجد خلال الفترة الماضية.
وأضاف السيسي، خلال افتتاحه للمرحلة الرابعة من الخط الثالث لمترو الأنفاق، اليوم الأحد: بفضل الله سبحانه وتعالى منذ بداية الأزمة الخاصة بكورونا حققنا نجاح كويس بتكاتفنا مع بعض وبفضل ربنا الموضوع مكنش حاد قوي وبدأت النسب تتحسن كتير بس مش عايز يقل اهتمامنا وتحفظنا على هذا الموضوع.
وأوضح الرئيس السيسي: إحنا في أي لقاء حريصين على لبس الكمامة واتخاذ كل الإجراءات الوقائية اللازمة، عايزين نوصل لصفر ونحافظ عليه، لما راجعنا الموقف بعد العيد زدنا شوية علشان العيد، أي تهاون هينعكس علينا وإحنا رايحين على مدارس وجامعات وده أمر بحاجة للإصرار على موقفنا كمواطنين ودولة وأجهزة للحفاظ على عدم تأثر الصحة العامة في مصر بشكل كبير خاصة شهر ولا اتنين وهندخل على المدارس والشتاء وأرجو الإعلام يساعدنا في ده.
