النائب عبد المنعم إمام لوزير التموين: رغيف العيش بقي قد كف الإيد.. وبقينا بنستلف علشان نأكل  

مستوى معيشة الفرد معيار نجاح أو فشل الحكومة.. والنهاردة المواطن بيصحى كل يوم أمله يكون اليوم زي إمبارح مش أسوأ 

كتبت: ليلى فريد  

قال النائب عبد المنعم إمام، أمين سر لجنة الخطة والموازنة بمجلس النواب ورئيس حزب العدل: وزير التموين من 9 شهور اتكلم في برامج شهير عن العيش السياحي لأن كان فيه أزمة كبيرة جدا في الأسعار، ووعد أنه في خلال أسبوع ستنتهي مشكلة العيش السياحي في مصر من ناحية الوزن والسعر، ولكن رغيف العيش بقى قد كف الإيد. 

وتابع خلال الجلسة العامة لمجلس النواب، لمواجهة وزير التموين بعدد من طلبات الإحاطة والأسئلة البرلمانية: وزارة التموين في كل كلامها بتكلمنا عن الحرب الروسية الأوكرانية، فخلاص هذه الحجة بطلت، أوكرانيا بقت بتطلع قمح وروسيا بقت بتطلع قمح، ولسه ماسكين في الأزمة الروسية الأوكرانية. 

وأضاف: نفس الحكومة دي لأول مرة في يوليو الماضي جابت قرض بنص مليار دولار علشان نشتري قمح، بقينا النهاردة بنستلف علشان نأكل. 

وقال النائب: العيش وأزمة العيش.. المنظومة بتنضرب، في مدينة المحلة الناس مش لاقية تاكل وطوابير العيش من 5 فجر لـ8 صبح والناس مش لاقية، وحتى لا يتحول الجدل إلى جدل فإن مستوى معيشة الفرد هو معيار نجاح أو فشل الحكومة، والنهاردة المواطن بقى يصحى كل يوم أمله الوحيد هو أن يكون النهاردة زي إمبارح مش أسوأ. 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *