السيسي في رده على سؤال حول أوضاع حقوق الإنسان: هو انتوا بتحبوا شعبنا أكتر مننا؟ البلد دي عايزة تعيش وتكبر (فيديو)

السيسي: محدش هيحب شعب مصر أكتر مننا.. المصري مبيتفسحش علشان مش لاقي.. قضيتي اني اخد بإيد البلد دي لقدام

السيسي: احنا بلادنا مش لاقية تاكل البلد دي عايزة تعيش..عايزين نزود دخل المواطن

كتب – أحمد سلامة

قال عبدالفتاح السيسي، رئيس الجمهورية، إن بعض البيانات التي ترد حول أعداد “المعتقلين” و”الاختفاء القسري” تكون غير دقيقة، مشيرًا إلى أنه على استعداد لتشكيل لجنة لمراجعة تلك البيانات مثلما حدث ذلك سابقًا.جاء ذلك خلال اللقاء المفتوح الذي عقده عبدالفتاح السيسي مع المراسلين الأجانب، اليوم الخميس، على هامش مؤتمر الشباب.

وفي رده على سؤال لمراسل راديو مونت كارلو حول أعداد المحبوسين بسبب الرأي والخلفيات السياسية، والمتزايد خلال الآونة الأخيرة وحالات “الاختفاء القسري وأوضاع حقوق الإنسان ضاربا المثل بقرار توقف أعمال الشبكة العربية لمعلومات حقوق الإنسان بعد 18 عامًا من العمل في المجال الحقوقي، أجاب الرئيس السيسي قائلا “أحيانا البيانات بتكون مش دقيقة”. وأضاف “هاتوا البيانات بالأعداد الكبيرة وقوائم الاختفاء القسري وتعالوا نعمل لجنة لمراجعته، عملنا الموضوع دا قبل كدا وشكلنا لجنة لمراجعة الإجراءات الخاطئة”.وتابع “أنا عايز أقولك على حاجة هو انتوا بتحبوا شعبنا أكتر مننا؟.. هو انتوا خايفين على بلادنا أكتر مننا؟”

واستكمل “احنا بلادنا مش لاقية تاكل، البلد دي عايزة تعيش والشعب دا عايز ينمو زي ما الباقي كِبر، مش عايزين حد يعيقنا.. تاني بقول محدش هيحب شعب مصر أكتر مننا بس احنا بنحبه صح.. عايزين نزود الدخل للمواطن، المصري مبيتفسحش علشان مش لاقي، عايز ياكل، حد يقول كدا آه انا بقول كدا، قضيتي اني اخد بإيد البلد دي لقدام”.

واعتذرت الشبكة العربية لمعلومات حقوق الإنسان في بيان لها يوم 10 يناير عن الاستمرار في عملها، مشيرة إلى أن القرار بالتوقف، يأتي بعد محاولات عديدة ومضنية للاستمرار رغم الظروف الصعبة التي يعيشها المصريين ، وحالة عدم الاستقرار السياسي الذي وظفته الحكومة للتضييق على المؤسسات الحقوقية المستقلة، على حد ما جاء ببيان الشبكة..

كان الرئيس عبد الفتاح السيسي قد قال خلال الجلسة نفسها “مستعد أعمل حرية تعبير حقيقية بالطرقة دي اللي انتو بتقدروها كمتابعين ومراقبين ومنظرين، بس اديني المبلغ ده عشان أجيب المطالب الأساسية للناس ويبقى فيه إنفاق لأنهم بعد ما بيخلصوا المظاهرة بيروحوا البيت عايزين يأكلوا، إزاي بقى؟”.

وتابع ”حرية التعير مكفولة، وأنا مستعد اسمع أي نقد حقيقي، يكون سبيل لتقيم الدولة دي، حتى بعد التجربة اللي انتو شفتوها في الـ6 ،7 دول، لسه فيه نقاش تاني؟، الدول المتقدمة خدت وقتها في التطور بالمجالات المختلفة، إدونا فرصة نتحول للأفضل دون ضغط وفي النهاية مش هتقدروا تساعدونا”.

وأضاف السيسي: “ليه مش عايزين تفرقوا إن ده ممكن يحصل في دولة زي مصر، وإحنا كنا مهددين خلال الفترة السابقة”.

وقال السيسي: “أنت بتتكلم وكأن مفيش في مصر غير القضية دي؟ (الحريات)، القضية دي لا تعكس الرأي العام في مصر، ومستعد أعمل انتخابات كل سنة بشرط تدفعوا تمن تكاليف الانتخابات، ولو الناس قالت امشي همشي، وإرادة الناس هي المعيار”.

وتابع: “الناس في مصر لو مش عايزانا نمشي على طول، غير كده يبقى محاولة للإساءة للدولة، وبنحرص نكون عامل إيجابي في كل مشاكل العالم، حافظوا على هذا الصوت العاقل”.

لمشاهدة الفيديو اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *