كاملة أبو ذكري ترد على تصريحات يوسف الشريف عن ملامسة النساء: دعاية مبتذلة واستغلال أطهر شيء لأغراض النجومية

عبد الرحمن بدر

ردت المخرجة كاملة أبو ذكري، على تصريحات الفنان يوسف الشريف، بشأن رفض ملامسة النساء، ووضع بنود معينة عند التعاقد مع شركات الإنتاج على الأعمال، والتي تنص على عدم تجسيده للمشاهد الساخنة.

وقالت كاملة في حسابها على (فيس بوك): “لما يبقي في مشهد لحبيب بيحاول ينقذ حبيبته، ولمخرج يقوله حتمسكها وتشدها علشان تبعدها عي طلقة الرصاص، يقوم النجم الفاضل يرفض إنه يمسكها، علشان هو ما بيلمسش الستات”.

وأضافت: “هي دي بقي المشاهد الساخنة إلي حضرتك بتتكلم عنها؟، ولما النجم يدعو الناس للصلاة وترك مشاهده مسلسله أثناء موسم عرضه، ده اسمه دين جديد ولا إيه؟، بالنسبه ليه ده اسمه نوع من أنواع الدعاية المبتذلة، واستغلال أطهر شيء في الوجود، لأغراض النجوميه وزيادة عدد المشاهدات”.

وتابعت كاملة: “عايز ترضي ربنا في شغلك اختار مواضيع تنور عقل المشاهد أو تشرح قلبه، تبقي عايز ترضي ضميرك وتقول في شغلك كلمة حق، يمكن تبقي سبب إن ناسك يعيشوا أحسن، والمجاهرة بالصلاة واستغلالها ده محرم في دينك”.

كان يوسف الشريف، قال في تصريحات تليفزيونية: “فى قيود أنا بحطها لنفسى زيادة عن أى حد تانى، ودى حقيقة حتى لو وصلت لدرجة العقود.. دى حقيقة بقالها 10 سنين أو أكتر، ده من بعد فيلم هى فوضى، بدأت أفكر بالطريقة دي.. دى حرية شخصية طالما مبضرش حد.. أنا مبستريحش لو بقى فيه مشاهد ساخنة أو فيها قبلات.. دى قاعدة بطبقها على نفسى بس.. بدأت أحط قيود لأن قبل كده فى منتجين اتفقت معاهم على ده ووقت التنفيذ غيروا كلامهم”.

وتابع الشريف: “وهنا أنا لا أزايد على زملائى أو إنى أحسن منهم، بالعكس كلهم ليهم الاحترام ومنهم من يقدمون أعمالا محترمة دون أن يتعمدوا هذه الطريقة.. عشان بس الكلام ميتفهمش إنى بزايد عليهم أو بقول إنى أحسن منهم.. خالص”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *