عبد المجيد راشد يكتب قصيدة مهداه للعظيمة ليلى سويف وكل أمهات المعتقلين: ايزيس بتلم أشلاء الوطن
إيزيس
بتلم أشلاء الوطن
و تنادى
كل الجروح بتهون
علشان عيونك يا بلادى
إيزيس
بتعافر و تنسج حروف
من بوابات القهر و المتاريس
تشكل المعنى و تدق ع الترابيس
تصرخ بصوت الحلم
فى الصحرا و الوادى
إيزيس
شايله الهموم ف الروح
و تخطى كل الخطوط
ترمح على رمل الشطوط
تفتح هويس الشمس و تهادى
*************
#العظيمة_ليلى_سويف
شعر عبد المجيد راشد
