السيسي: وزير الاستثمار وقت «ازدواج قناة السويس» قالي «عاوزين نعمله باقتصاديات فقولتله عاوز أدى الأمل للناس»  

كتب: عبد الرحمن بدر وصحف  

قال الرئيس عبد الفتاح السيسي، إن الهدف من ازدواج قناة السويس استعادة ثقة الناس. 

وأضاف خلال كملته في مؤتمر (حكاية وطن): “الفكرة مش إنك تعمل ازدواج فقط علشان تحقق المسار الاقتصادي، لكن الهدف كان استعادة الثقة في الناس اللى هما بيحاولوا دلوقتي إنهم يهزوكوا فيها”.  

وواصل: “وإحنا بنعمل ده كان الدكتور أشرف سالمان، كان وزير الاستثمار قال نخلى بالنا إن اللى عاوزين نعمله باقتصاديات، قولتله عاوز أدى الأمل للناس، وقولت هنعلن فتح باب المساهمة في إنشاء القناة بـ12%، وكان الفائدة 10.5 %، ويا كامل يا وزير ربنا يكرمك ده ما كانش يتعمل أبدا في سنة”. 

وتابع: “افتكروا كنا بنقف على المسرح بنستقبل أسر الشهداء ودموعنا بتنزل على ولادنا إنهم ضحوا علشان بلدنا تعيش، هنبقا جاحدين جدا مش جاحدين انه نخلى بالنا منهم، لا، إحنا نخلي بالنا من اللى هما ضحوا علشانه .. هنبقا جاحدين إن هما قدموا أرواحهم علشانه”. 

وقال السيسي “بنقدم حكاية وطن، وفي ناس معانا سياسيين.. حد يقول عندكم فرصة في الانتخابات.. قال الله تعالى : “بسم الله الرحمن الرحيم.. قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ”. 

وتابع: “محدش هيدي حد حاجة، ومحدش هياخد حاجة من حد إذا كتير من الناس، الحملات والسياسة والكلام من هذا القبيل، يا ترى عندنا يقين حقيقي في ربنا، محدش ياخد أكثر من نصيبه وهل يقبل نصيبه ولا يقاتل، القتال فقط من أجل الوطن والبلد.. لكن نصيبه ده من ربنا”. 

وأضاف: “بقولها من أول الكلام، دي دولة ومشكلتها في السنين اللى فاتت هزوا ثقة الناس فينا، ثقة الناس في نفسهم، الناس استكتروا على نفسهم طريق وكوبري، قالك كتير ده لسه بدري أوي، لسه بدري أوي من العمل والجهد والمثابرة، البناء والتنمية والتقدم تمنته الجوع والحرمان، اوعوا يا مصريين مش تقدموه.. تم زرع التشكيك داخل المواطن تجاه الوطن”.  

وواصل: “والله العظيم لو تمن الكلام والإزدهار للأمة إنها مش تأكل وتشرب عاوزين التقدم والتنمية للبلاد”. 

وقال الرئيس عبد الفتاح السيسي إن الثقة المفقودة والأمل الضايع كان أول حاجة نعملها في قناة السويس، إننا نعمل مشروع نجمع الناس حواليه. 

وتابع: وإحنا بنعمل ده كان الدكتور أشرف سالمان كان وزير الاستثمار قال نخلى بالنا إن اللى عاوزين نعمله باقتصاديات، قولتله عاوز أدى الأمل للناس، وقولت هنعلن فتح باب المساهمة في إنشاء القناة بـ12 %، وكان الفائدة 10.5 %، ويا كامل يا وزير ربنا يكرمك ده ما كانش يتعمل أبدا في سنة.