«أكل حقي وتعبي».. محمد رضا بوبو يتهم نادي فيوتشر بعدم منحه مستحقات متأخرة تتجاوز 4 ملايين جنيه
اتهم اللاعب محمد رضا بوبو، المنتقل حديثا إلى صفوف فريق بيراميدز، إدارة نادي ناديه فيوتشر، بعدم منحه مستحقات مالية له تصل إلى 4 مليون و 200 ألف جنيه.
وأعلن نادي بيراميدز، الثلاثاء الماضي، تعاقده بشكل رسمي مع محمد رضا بوبو لاعب وسط فيوتشر، وذلك خلال فترة الانتقالات الصيفية الجارية.
وقال “بوبو” في منشور عبر صفحته الرسمية على موقع “فيسبوك”، الثلاثاء:” خلاص مبقيتش قادر اصبر اكتر من كده بصراحه، حتى لو العواقب كتير ولو هيحصل اي المهم اهدي النار اللي جوايا شويه عشان اكون حتى ارتحت من جوايا وكده كده ربنا موجود وهيجبلي حقي”
وأضاف: “أنا كنت خلصت وجالي اتصال تعالا ضروري النادي عشان تمضي الاستغناء بتاعك عشان خلاص انت مشيت قولت حاضر وركبت عربيتى وطلعت علي النادي. الساعه 11 بليل الناس قبلتنى ف النادي وقالولي عامل اي يارضا عايزينك تمضي ورقتين ورقة مخالصة والاستغناء قولتلهم الاستغناء حاضر همضي مفيش مشكله امال اي الي يخليني امضي مخلصه وانا ليا4 مليون 200 الف جنيه”.
وتابع: “فواحد لاداعي لذكر اسمه لانه ده ميعرفش ربنا طبعا قعد يكلمني ولازم تمضي ولازم تمضي اقوله ازاي ياكابتن امضي مخالصة وانا ليا فلوس قولت مش همضي ومشيت ومضيت علي الاستغناء”.
وواصل: “جالي اتصال امضي وانت فلوسك عندي ومتقلقش امضي وانت وزملائك اللي ماشييين هنيجي ونسلم عليكم وتاخدو الشيك بالدولار زي باقي الفرقة ونشكركم اكيد يعني قال اه امضى بس اتفقت مع الاتنين الي كانو معايا عشان كنا متفقين اننا هنعمل كل حاجه بالإتفاق مع بعض فاقالو هنضمي كلنا ونروح التلات ناخد الفلوس مضينا علي الورقه ومكناش مدين اي خوانه لحاجه جه يوم التلات لقينا اللعيبه كلها صحبنا الي ف الفرقه طلعلهم فلوس وكل واحد شيك ماعدا احنا التلاته والتلاته المعاريين الي مشيو من النادي”.
وأكمل: “اتصلت بالشخص ده قولتلو الشيك بتاعنا امته قالي بليل ف ناس الصبح وف ناس بليل وانت بليل قولتلوً ماشي جه بليل كلمتو قالي الصبح فضلت علي الحال ده كل يوم يوم يقولنا التلات الجاي ييجي التلات يقول الاسبوع الجاي ييجي الاسبوع الجاي يتقال بكرا كمان يومين علي الحال ده ف حد مشكور طبعا بدون ذكر اسمو قالي انا بحبك وانت اخويا الصغير لو انت مفكر انك طلعلك فلوس يبقا بتحلم مصدقتيش وقولت لا اكيد الفلوس هتطلع الناس كلموني وقالولنا الفلوس عندنا وانا مصدقهم ومعايا بس من الواضح ان مفيش فلوس جايه ولا اي حاجه”.
وأضاف: “علي العموم حسبي الله ونعم الوكيل ف كل واحد اكل حقي وتعبي الي شقيت فيه سنتين تعبت وسفر هنا ولعبنا افريقيا وخدنا بطوله وطلعنا مركز رابع سنتين يعني الحمدالله مقصرتيش ف حاجه بس فكرت ان حد ياكل حقك ف دي صعبه عليا اوي وانا زعلان لان مشفتيش التقدير”.
وتابع: “أنا اتبعت انا وصحابي وحلينا أزمة للنادي برقم كبير يعني انا ممشيتش ببلاش ولا مكنتش بلعب ولا مكنتش مساهم ف ده كله عشان تاكل حقي بلطريقه دي”.
وختم قائلا: “أنا عارف الكلام ده هيضايق ناس بس دي الحقيقة انا ليا حق وعلي حق وانا عمري ماكنت بخاف من اي حاجه. بس ازاى بتعرف تنام تحط دماغك على المخده وأنت اكل حق وشقي واحد طلع عيونو عشان يجمع رقم ذي ده وانت عايز تاكلو عليه بكل سهوله كده انا مكلمتيش حد من الصحفيين صحابي واللي اعرفهم انهم ينزل الكلام على لساني أنا حقي عند ربنا وربنا هيجبهولي أضعاف وانا متاكد لاني مقصرتيش ف حاجه وربنا يعلم كده انا من جوايا ارتحت”.
