سمر فودة تعلن خسارتها في الإعادة: هزيمة بشرف أفضل من نجاح بالتزوير.. عايزين إيه تاني علشان تخرجوا أنصاري من قسم مدينة نصر؟

أعلنت سمر فرج فودة، ابنة المفكر الراحل فرج فودة، خسارتها في جولة الإعادة للمرحلة الثانية في انتخابات مجلس النواب بدائرة مدينة نصر ومصر الجديدة، مشيرة إلى وجود شبهة تزوير في نتائج الفرز في صناديق الاقتراع.

وقالت فودة، عبر صفحتها الرسمية على “فيسبوك”: “الحمد والشكر لله، الهزيمة بشرف أفضل كثيرا من النجاح بالتزوير والفساد”، وأضافت: “بشكر كل اللي موقفش جنبي، علشان عرفني أن ربنا موجود وبشكر كل اللي وقف جنبي علشان عرفني أن الدنيا لسة بخير”.

كما كشفت فودة عن احتجاز قوات الأمن عددا من أنصارها في قسم شرطة مدينة نصر ثان، مطالبة قوات الأمن بسرعة الإفراج عنهم، خاصة أن منهم مرضى.

وقالت سمر: “أنا ليا رجاء أخير، أرجوكم الولاد اللي جاتلي إمبارح على عزبة الهجانة علشان حسوا أني في خطر وكانوا عايزين يقفوا جنبي طلعوهم من قسم مدينة نصر ثان”.

وتابعت: “أنتم خلاص أخدتم الكرسي وألف مبروك عليكم، الولاد دي ملهاش ذنب في حربكم ضدي، معملوش أي حاجة لمجرد أنهم كانوا واقفين معايا بقالهم يومين في الحجز أهاليهم ميعرفوش عنهم حاجة، أبهاتهم وأمهاتم الكبار في السن واقفين بيبكوا قدام القسم، أنتم خلاص كسبتم الحمد لله، ممكن تطلعوهم لو سمحتم”.

وواصلت: “فيه منهم ٢ عيانين وفيه منهم ولد قد ابني عنده 20 سنة، وفيه منهم واحد ممكن تيجيله كريزة سكر لو مأخدش الأنسولين، الناس دي أنا شفت منهم ٢ إمبارح لأول مرة في حياتي و٢ منهم كانت تاني مرة أشوفهم، كل الحكاية أنهم كانوا بيدعموني على الفيس بوك علشان نفسهم أني أنجح”.

واستكملت: “أرجوكم شوفوا عايزين إيه تاني غير الكرسي وأنا تحت أمركم بس، طلعوا الناس دي، متؤذوهمش وتؤذوا أهاليهم بسببي، لا حول و لا قوة الا بالله”.

One thought on “سمر فودة تعلن خسارتها في الإعادة: هزيمة بشرف أفضل من نجاح بالتزوير.. عايزين إيه تاني علشان تخرجوا أنصاري من قسم مدينة نصر؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *