بعد رفض هاني شاكر عودته للغناء.. حسن شاكوش: «الشغلانة دي أكل عيشي.. مينفعش أبقى بشتغل خارج مصر وفي بلدي لا»

كتب: عبد الرحمن بدر

رد الفنان حسن شاكوش، تصريحات الفنان هاني شاكر، نقيب المهن الموسيقية، بسحب ترخيص غنائه نهائيًا.

وقال شاكوش، في تصريحات تليفزيونة: لغاية آخر لحظة محترم قرار النقابة، أنا مشوفتش القرار، الناس اللي قالولي، والشغلانة دي هي أكل عيشي، هو قال بناقص حسن شاكوش؟ أستاذ هاني شاكر يقول اللي هو عايزه.

وأضاف: “أنا دلوقتي أقدر اشتغل خارج مصر بس، حاولت اتصل بكذا حد في النقابة عشان نحل، أنا مينفعش ابقى بشتغل برا مصر ومش عارف اشتغل في بلدي.

وتابع شاكوش: دلوقتي بسجل أغاني أنزلها الفترة الجاية، بس الواحد ملوش نفس، أنا اتصالحت أنا ورضا البحراوي ومفيش أي مشاكل.

يذكر أن هاني شاكر علق على إمكانية عودة مطرب المهرجانات حسن شاكوش للغناء من جديد، قائلاً: ما فعله شاكوش شيء خطير، لأنه أدى الغناء بكلمات إباحية، والفن ليس بحاجة إلى هذا النوع الغريب من الغناء.

وأضاف في تصريحات له:”الغلط اللي غلطه ده أنا وكل المجلس معايا سحبنا ترخيصه تماماً دون رجعة، بناقص حسن شاكوش”.

وأضاف: أطلع أغني غنوة إباحية على المسرح، وأغلط في فئة مهمة في الموسيقى العربية، الطبالين ولادنا وإخواتنا، المثل موجود أنا عارف، لكن يطلع يقوله على المسرح ويبقى قاصد الإهانة هذا لا يجوز.

كانت نقابة المهن الموسيقية، أصدرت قرارا ضد مطرب المهرجانات حسن شاكوش بإلغاء تصريح الغناء له لأجل غير مسمى.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *