بالأرقام.. الميرغني يرصد “حسابات كورونا”: الحكومة خصمت 21 مليار جنيه من الأجور والمعاشات لمواجهة الجائحة وتطعيم 27 مليون يكلف 3.5 مليار

إلهامي الميرغني: اللقاح حقنا مش منحة من حد.. وتطعيم 27 مليون في المرحلة الأولي يمثل 16% فقط من الخصومات بقيمة 3.5 مليار جنيه

الخبير الاقتصادي: بالورقة والقلم.. الموظفون وأصحاب المعاشات بيدفعوا 21.8 مليار جنيه ومحدش قالنا رجال الأعمال هيدفعوا كام

كتب – أحمد سلامة

رصد الخبير الاقتصادي إلهامي الميرغني، عضو المكتب السياسي بحزب التحالف الشعبي الاشتراكي، عدة أرقام تتعلق بالمبالغ التي استقطعتها الدولة من الموظفين لمكافحة كورونا، في مقابل تكاليف اللقاح في مرحلته الأولى.

وتحت عنوان “حسابات في الكورونا”، كتب الميرغني، عبر صفحته على موقع التواصل الاجتماعي “فيس بوك”، “الأجور حوالي 30% من الناتج المحلي الاجمالي يعني 2 تريليون جنيه سنويا، ولما يتخصم منها 1% لمواجهة كورونا يعملوا 20.5 مليار جنيه، أصحاب المعاشات بيصرفوا معاشات 250 مليار جنيه سنويا، وبيتخصم منهم 0.5% يعني حوالي 1.250 مليار جنيه، يبقي الإجمالي 21.750 مليار جنيه”.

وقال “يعني الموظفين وأصحاب المعاشات بيدفعوا 21.8 مليار جنيه لمواجهة الكورونا بالورقة والقلم ومحدش قالنا رجال الأعمال هيدفعوا كام”.

وأضاف “أستاذنا الدكتور محمد أبوالغار حسب أن 27 مليون مصري محتاجين اللقاح في المرحلة الأولي وتكلفة الجرعة 4 دولار وكل شخص محتاج جرعتين يعني 8 دولار يعني الجرعتين 127 جنيه”.

واستنتج الميرغني “يبقي تطعيم الـ 27 مليون هيحتاج 3.5 مليار جنيه وده بيمثل 16% فقط من خصومات الأجراء واصحاب المعاشات.. يعني محدش هيدفعلنا حاجة من جيبه ودي فلوسنا.. وعايزين نعرف باقي الفلوس اتصرفت في ايه.. أنتم خصصتم 100 مليار على الكورونا منها مكافآت العمالة غير المنتظمة وأجور الأطباء ودول 5 مليار والباقي راح لرجال الأعمال في السياحة والمقاولات.. من حقنا نعرف فلوسنا راحت فين.. من حقنا اللقاح ودي فلوسنا مش منحة من حد”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *