السيسي يوجه بتوفير مليار جنيه لدعم صندوق ذوي الهمم: الصناديق دي تطلع 500 مليون.. والفريق محمد صندوقكم يطلع 500

الصناديق اللي هقول أسماءها تدفع: هيئة القناة يطلع 100 مليون والشهداء والمصابين 100 مليون و التأمين الصحي يطلع 100 مليون وصندوق الإسكان 200 مليون

كتب- درب 

وجه الرئيس عبد الفتاح السيسي بتوفير مليار جنيه لدعم صندوق ذوي الهمم، خلال احتفال “قادرون باختلاف”، في نسخته الرابعة، اليوم الأربعاء، من خلال عدد من الصناديق الخاصة. 

وقال السيسي: “كنت بسأل وزير الشباب بقوله إيه أخبار الصندوق بتاع ذوي الهمم، وبعدين لقيت معالي المستشار رئيس البرلمان قالي إحنا يا فندم نعمل قانون ننظم به الموضوع أكتر ويكون في مصادر للصندوق أكتر عشان تقدر تعمل خدمات أكتر لولادنا وبناتنا”. 

وأضاف: “واسمحولي إن أنا بطلب دعم الهيئات اللي أنا هقول أسماءها أو الصناديق اللي هقول أسماءها، هيئة قناة السويس الصندوق بتاعها يطلع 100 مليون، صندوق الشهداء والمصابين يطلع 100 مليون، صندوق التأمين الصحي يطلع 100 مليون، صندوق الإسكان يطلع 200 مليون، والفريق محمد الصندوق بتاعكم يطلع 500 مليون”.