السيسي تعليقا على تعديات الأراضي الزراعية: لو الأمر استدعى هخلي الجيش ينزل القرى.. يانبقى كويسين يا أسيب مكاني وأي حد يستلمها يخربها (فيديو)
عبد الرحمن بدر
استنكر الرئيس عبدالفتاح السيسي تعديات ومخالفات البناء، وقال: “لن أسمح إن إحنا نهد بلدنا ونضيعها، لو الأمر لزم هخلي الجيش المصري ينزل قرى مصر، يا نوقف ونبقى كويسين، يا أسيب مكاني وأمشي، وأي حد يستلمها يخربها”.
وتابع السيسي، خلال مداخلة على هامش افتتاح عدد من المشروعات القومية في الإسكندرية، السبت: “أنا مش عارف أعمل إيه.. انتوا بتعملوا كده ليه؟، أنا بتألم وبتعذب كل يوم، لو عاوز تبني، قولي وأنا هاخطط وابني لك، بقول للسادة المحافظين، اللى مش هايقدر يحقق الانظباط، يقول السلام عليكم ويمشي”.
وأضاف السيسي: “أنا هزيل إيه ولا إيه!، حتى النهارده وأنا جاي بالطيارة، في ناس بتتعدى وتبني، أنتوا بتعملوا كده ليه؟ مش هاممكم بلدكم؟”.
وقال السيسي مخاطبًا وزير الدفاع: “الدولة بمؤسساتها كلها يا محمد يازكي كلها مسؤولة عن حماية الدولة، ولن أسمح إننا نهد بلدنا”.
وتابع السيسي: “إحنا جبنا معدات هندسية تنزل القرى وتبيد، أنا عرضته عليكم عشان تعرفوا أنا بتعذب وأتألم كل يوم بسبب اللي بيحصل”.
وقال الرئيس: “مفيش حد في العالم بيتحدث عن أوضاعه على الهواء إلا إذا كان هدفه الإصلاح”.
