السيسي: الحوار الوطني مهم علشان نسمع بعض حتى لو مختلفين.. ورغيف العيش بيتكلف 80 قرش وبيتباع للمواطن بـ5 قروش
لم نعكس التكلفة الحقيقية للأسعار اللى شهدت قفزة كبيرة.. خدنا مسار دبلوماسى والتفاوض للوصول إلى حل في سد النهضة
كتبت: ليلى فريد
قال الرئيس عبد الفتاح السيسي إن الحوار الوطني أمر مهم أوي أوي أوي إن إحنا يبقي فيه بينا وبين بعضنا طوائف وفئات الشعب حوار ونقاش حول القضايا الوطنية المختلفة التي تهم كل الناس.
وتابع خلال تفقد الكلية الحربية، السبت: “الحوار الوطني مهم علشان نسمع بعض، حتى لو كنا مختلفين، الاختلاف سنة من سنن الكون، مش ممكن نكون أبدا كلنا بفكر واحد ورأي واحد وتصور واحد تجاه أي قضية بنتكلم فيها”.
وأضاف:”عملنا على التأمين الغذائي الشامل للدولة، لدينا احتياطيات من القمح والأرز والسكر والزيت يكفينا مدة كبيرة، وإحنا حريصين على الحفاظ على هذه الكتلة، وعشان كده لما حصلت الأزمة اللى فاتت اللى بدأت فى مارس تلاقوا إن الحاجة كانت موجودة والناس كانت بتنزل تجيب اللى عايزاه وعمرنا ما قلنا لحد ما تخدش”.
وقال السيسي: لو قولت إن رغيف العيش كان بيتكلف 60 – 65 ودلوقتى بيتكلف 80 هو برضه بيتباع للمواطن بـ5 قروش.. حاولنا إننا نحافظ إن التسعير ما يتغيرش، طيب الدولة تتحمله، نعم تتحمله، الكلام ده ينطبق على الطاقة طبعا.
وتابع: الدولة المصرية اتخذت مجموعة من الحزم من أجل تلطيف التضخم العالمي الذي لا يقتصر على مصر فقط، ولكن في العالم كله، متابعا: “بقية الأمور الحمد لله رب العالمين.. شغالين وبنجتهد جدا”.
وأضاف: “في موضوع الصناعة بنحاول نتحرك بشكل كبير، لتقليل فاتورة الاستيراد وأيضا نزود فاتورة التصدير ما أمكن”.
وقال السيسي: أتصور الشعب المصري مقدر جدا الجهد والدور اللى بتقوم القوات المسلحة، حتى في أوقات الأزمات، دور القوات المسلحة خلال آخر 10 سنوات دور محتاج مننا كلنا، كتاب ومفكرين ومثقفين، إننا نلقي الضوء عليه، القوات المسلحة حمت البلد دي من كل شر وسوء”.
وتابع: “الحماية هنا مش دم فقط، في مواجهة الإرهاب والتطرف.. الحماية في التصدي لعملية دعم وإدارة التنمية مع الحكومة.. جزء أصيل من الدولة بيتشغل بكل قوة من أجل التقدم وتعويض الوقت اللى فاتنا خلال الأزمة من 2011 وحتى الآن”.
وأضاف: عاوز أطمئنكم على الأوضاع الداخلية للبلاد، التعامل خلال الأزمات الأخيرة سواء أزمة كورونا أو الأزمة الروسية الأوكرانية، كنا حريصين على أن التأثيرات أقل ما يكون على المواطنين، كنا دايما بنتحرك في الأزمة دي فيما يخص الأوضاع الداخلية أنها لا تؤثر بالنقص على السلع الأساسية ثم التكلفة إلى حد كبير مناسبة للناس.
وقال السيسي: “إحنا فى مصر لم نعكس التكلفة الحقيقية للأسعار اللى شهدت قفزة كبيرة، الحرص كان أن الموضوع ده لا يتعرض له المواطن بشكل مباشر”.
وتابع: “عايز أقولكم كلكم، إحنا خدنا فى مسار سد النهضة مسار ديما دبلوماسى والتفاوض للوصول إلى حل له، والهدف من ذلك إن إحنا لما يكون فيه أزمة أو مشكلة نلجأ فى علاجها إلى حاجتين، الصبر، والتفاوض”.
وأضاف: “خدنا إجراءات نعملها إحنا على مستوى بلدنا علشان نبقى مفيش نقطة مياه تبقى موجودة فى مصر إلا وممكن نستفيد منها بشكل كويس”.
