السيسي: إحنا دولة عايزة تريليون دولار نجيبهم منين؟..ووزير النقل: هنزود تذاكر السكة الحديد بطريقة محسوبة

كتب- فارس فكري

تحدث الرئيس عبد الفتاح السيسي مع الفريق كامل الوزير، وزير النقل، بشأن رفع سعر تذاكر السكة الحديد.

جاء ذلك خلال افتتاح مصنع اليوريا ونترات الأمونيا بمنطقة كيما بمحافظة أسوان، بحضور الرئيس عبد الفتاح السيسي.

وقال وزير النقل إنه تم صرف 1.7 تريليون جنيه في عمليات التطوير.

ورد الرئيس قائلا: إحنا دولة عايزة تريليون دولار، طب معانا 2 أو 3 أو 4 تريليون جنيه، طب الـ 14 تريليون الباقيين هيتجابوا منين، تقوم الدولة تقع ونطلع نهدها، ومحدش ساعتها هيقول الناس مهجرة والبيوت خربت.

وعقب وزير النقل: هنزود التذكرة بطريقة محسوبة، ومش هتزيد عن سعر وسيلة الخدمة البديلة مع تقديم خدمة مميزة للمواطنين والركاب.

وقال الرئيس عبد الفتاح السيسي “من خوفهم على الكراسي خافوا يصارحوا الناس بكارثة تسعيرة خدمات الطرق والنقل.. لحد ما خلوا البلد كهنة.. طرق متهالكة وسكة حديد وقطارات متهالكة، لكن فضل الله هنقف قدام ربنا بضمير مرتاح بعد ما نصلح كل حاجة”.

وأكد الرئيس، خلال استماعه لشرح وزير النقل كامل الوزير خلال زيارة أسوان، أن سياسات التسعيرة كانت سببا وراء تدهور المشروعات القومية.

وأضاف السيسي: “المسؤولية مشتركة علينا كلنا، نحافظ على السكة الحديد، لما أجري لازم المواطن يجري معايا، علشان نعمر البلد دي”.

وقال السيسي: “بقول الكلام ده للمصريين علشان محدش يضللكوا وهو بيكلمكوا.. السكة الحديد تعبانة ليه؟ أصل الحكومة مكنتش كويسة.. لا”.

ووجه الرئيس حديثه لوزير النقل كامل الوزير، قائلا: “كامل يقولى التذكرة بجنيه يقولي أزودها؟ أقوله متزودهاش، ليه يا كامل؟ مبيقولش ليه؟ خايف، حتى لو كانت البلد تخرب علشان الكرسى يقعد هو ويخرب فيها ويخليها (بلد كوهن)، سكة حديد تعبانة وطرق تعبانة وموانئ تعبانة كله تعبان، مش فكرة إرادة، الناس كانت عارفة كويس العلاج كان عاوز فلوس وتقدر ترجعها”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *