السيسي: أنا شاطر قوي وأعرف يعني إيه قرش ويعني إيه دولة.. والحكومة مطحونة جدًا
أنا جاي بالطيارة وشايف لسه بدري أوي أوي أوي.. ومحافظات الصعيد لم تك مهمشة ولا منسية لكن الدولة لم تكن قادرة
كتبت: ليلى فريد
قال الرئيس عبد الفتاح السيسي: “تفكروا كويس جدا قبل ما تطلعوا الكلمة من لسانكم، لأن الكلمة هنتاسحب عليها قدام الناس والتاريخ وقبل كده ربنا، كل كلمة محسوبة بدقة، خلى بالك ما تقبلش الكلمة لأنني أنا شاطر قوى وأنا اللى بعمل، اللى قبل مننا كانوا عاوزين يعلموا بس مقدروش يعملوا.. كنت بتحلموا كان نفسكم اه طيب منفذتوش ليه؟ مفيش”.
وتابع: “سبب المشكلة ليس الحكومة ولا فساد إداري، أنا أعرف يعني إيه قرش ويعني إيه دولة”.
وأعلن السيسي، خلال كلمته في افتتاح مشروعات قومية جديدة في محافظة سوهاج: جاهزية دعم المشروعات الشبابية المختلفة، وقال السيس: “إحنا جاهزين، الأرقام اللى مش تحلموا بيها ومش من جيب الحكومة، طب ليه، لأنى مرتب ترتيبات تانية، الحكومة يعني الدكتور مصطفي مش يزعل مني الحكومة مطحونة جدا”.
وتابع:”أنا جاي بالطريق والطيارة وشايف لسه بدري أوي أوي أوي.. أنا بتكلم بجد.. لسه بدري”.
وأضاف: محافظات الصعيد لم تك مهمشة ولا منسية لكن الدولة لم تكن قادرة، لسه بدري في قرية أبو دومة قالوا إن الصعيد كان مهمشا وبيتنسى، وأنا بقولكم لا، الصعيد ماكنش مهمشا ولا منسى، البلد ماكنتش قادرة بس”.
وقال: “لازم نحترم عقول بعض، ونبقا موضوعيين وصادقين في التقدير والتقييم لواقعنا ونعرف ليه واقعنا كده؟ علشان البلد مش قادرة، ومكنتش قادرة، طيب اللى بيتعمل ده؟ قبل كل شيء توفيق ربنا سباحانه وتعالى، وثانيا محاولة لتطوير الفكر علشان كده متحمس قوى ليكم ومتحمس دايما للفكرة لأنها ممكن تحل مسالة بالمسارة التقليدية متتحلش والفكرة تنجح بالمسار التقليدي متنجحش، وبالفكرة توفر المسار التقليدي متمولش، الفكرة كده، البلد اللى ظروفها والنايس اللى ظروفها مش متيسرة قوى معندهاش غير الفكرة والحلم والعمل”.
