ماهينور المصري تنتقد التوسع في القبض على المواطنين: خرج 30 واتعرض 245 على نيابة أمن الدولة.. استسهال كلمة إرهاب سيخلق إرهاب حقيقي
المصري: معظم المقبوض عليهم مايعرفوش حاجة عن الإرهاب غير فيلم “الإرهاب والكباب” وأغلبهم ظروفهم الاقتصادية صعبة وفضفضوا بكلمتين عن الحياة
كتب- درب
أكدت المحامية الحقوقية ماهينور المصري، أن توسيع في القبض على المواطنين ليس في مصلحة النظام، لافتة إلى أنه في الوقت الذي تم إطلاق سراح 30 شخصا عُرض على نيابة أمن الدولة 245 مواطنا.
وقالت المصري في منشور لها عبر حسابها على موقع “فيسبوك” مساء الثلاثاء: “النهاردة الحمدالله خرج ٣٠ مظلوم و٣٠ أسرة فرحوا بخروج ولادهم.. بس في أسبوع نيابة أمن الدولة أتعرض عليها ٢٤٥ مواطن، غير اللي ممسوكين وماتعرضوش، غير اللي لسة حيتمسكوا طبعا”.
وأضافت: “معظم المقبوض عليهم مايعرفوش حاجة عن الإرهاب غير فيلم الإرهاب والكباب واغلبهم ظروفهم الاقتصادية صعبة وفضفضوا بكلمتين عن الحياة اللي مابقيتش تتعاش”.
وتابعت: “كمان من الناس اللي اتعرضت زياد أبو الفضل اللي خرج من حوالي سنة و٣ شهور قفل فيهم كل السوشيال ميديا وبطل يقابل اي حد له دعوة بالسياسة واتقبض عليه هو وصديقه خالد الهواري في حملات الشوارع المفاجئة. كمان أحمد عرابي اللي السجن فترة طويلة وطالع مركز في أكل عيشه وبنته مقبوض عليه ولسه ماظهرش ..قبلهم كان شريف الروبي مقبوض عليه”.
وواصلت: “مش عايزة اتكلم عن أستاذ أحمد نظير الحلو، المحامي الكبير اللي اتقبض عليه”.
وأكملت: “بس الحقيقة سياسة التنقيط دي مش حتنفع ولازم يبقي في حل حقيقي لاستسهال القبض على المواطنين لانه والله والله ده ما في مصلحة النظام .. مش من مصلحته توسيع القبض على أي حد بيفضفض بكلمتين ولا ناس حظهم بس انهم اتقبض عليهم قبل كدة لأن استسهال كلمة إرهاب في بق الناس ووضع مواطنين أبرياء مع إرهابيين بجد حيخلق إرهاب حقيقي وحيفرقع في وشنا كلنا وهي مش ناقصة.. كفاية الوضع الاقتصادي المنيل اللي الكل فيه”.
