رسالة من منى مينا للأطباء قبل جولة الإعادة بانتخابات البرلمان: ادعموا من يدعم حقوقنا وأهمها معاش شهيد لضحايا كورونا بالفريق الطبي

عبد الرحمن بدر

وجهت الدكتورة منى مينا، وكيلة نقابة الأطباء السابقة، رسالة إلى الأطباء قبل جولة الإعادة بانتخابات البرلمان.

 وقالت منى: “محتاجين دعم من كل صوت محترم وشجاع ..اعتقد أبسط قاعدة في الانتخابات إننا ندعم من يدعم حقوقنا، محتاجين نسمع صوت المرشحين اللي بندعمهم واضح في دعم حقوقنا “.

وأضافت منى: “فيه زملاء مننا بيدعموا مرشح معين في إنتخابات مجلس النواب ، وفيه مرشحين أطباء أو صيادلة يعني عارفين مشاكل الفريق الطبي كويس قوي”.

وتابعت: “أرجو من زملائنا اللي عاوزين يدعموا مرشح معين ..شايفينه محترم .. إنهم يطلبوا منه يتبنى مطلب معاش شهيد لشهداء كورونا من الأطباء والفريق الطبي، زملائنا شهداء كورونا اللي توفوا صغيرين اسرهم بتكتشف إن المعاش 900 جنيه (ده الحد الادنى للمعاش بسبب عدد سنوات خدمته القليلة في الحكومة) ..طبعا مهزلة “.

واختتمت منى مينا: “طبعا هم لو خافوا يدعموا مطلب عادل وحق واضح زي معاش شهبد دلوقتي لأي سبب .. يبقى عمرهم ما يتكلموا بعد النجاح عن أي حق لنا أو لغيرنا”.

يذكر أنه حددت الهيئة الوطنية للانتخابات يومى 23 و24 نوفمبر، لإجراء انتخابات الإعادة لمجلس النواب بالنسبة للمرحلة الأولى وتجرى انتخابات الإعادة في الداخل بالنسبة للمرحلة الثانية يومى 7 و8 ديسمبر، على أن تعلن النتيجة النهائية للمرحلة الأولى يوم 30 نوفمبر، وتعلن النتيجة النهائية للمرحلة الثانية يوم 14 ديسمبر.

وتجرى انتخابات الإعادة في الخارج بالنسبة للمرحلة الأولى أيام 21 و22 و23 نوفمبر، وتجرى الإعادة في الخارج بالنسبة للمرحلة الثانية أيام 5 و6 و7 ديسمبر.

وحددت الهيئة الوطنية للانتخابات موعد أقصاه 3 نوفمبر للطعن على قرار الهيئة بإعلان نتيجة المرحلة الأولى وتفصل المحكمة فيها خلال 10 أيام اعتبارا من 4 وحتى 13 نوفمبر، وحددت يوم 17 نوفمبر للطعن على نتيجة المرحلة الثانية، وتفصل المحكمة فيها خلال 10 أيام اعتبارا من 18 وحتى 27 نوفمبر.