مؤشرات نتائج انتخابات النواب.. أحمد الطنطاوي وأحمد بلال إعادة بعد فرز جميع اللجان بدائرتي “كفر الشيخ وقلين” والمحلة

الطنطاوي يحصد المركز الأول بـ 44802 صوت بفارق 10 آلاف صوت عن باسم حجازي مرشح حزب الوفد

بلال بعد حصوله على 18150 صوتا: انتصار لعشرات الصبايا والشباب وأهلنا اللي اشتغلوا تطوعا إيمانا بحلمهم

كتب- فارس فكري

كشفت نتائج لجان الانتخابات في المحلة ومدينة كفر الشيخ دخول النائب أحمد الطنطاوي والزميل الصحفي أحمد بلال الإعادة بعد انتهاء فرز جميع اللجان حتى الساعات الأولى من صباح اليوم الاثنين.

وحصل الصحفي والنائب الحالي أحمد الطنطاوي على 44802 صوت في الدائرة الأولي بمحافظة كفرا لشيخ، ومقرها مركزي كفر الشيخ وقلين بفارق 10 آلاف صوت على أقرب منافس له المهندس باسم حجازي مرشح حزب الوفد، الذي حصل على  34047 صوتا.

وأعلن الصحفي أحمد بلال على حصوله على 18150 صوتا في انتخابات النواب بدائرة المحلة الكبرى.

وقال بلال على صفحته الشخصية على الفيسبوك: 18150 صوت حلال،

الحمد لله إعادة، بفضل ربنا ودعم شعبنا وقوة شبابنا. وأضاف في تدوينه أخرى: أصحاب الفخامة والجلالة والسمو

بعد إعلان نتيجة الجولة الأولى، مكانش ينفع أنام غير لما أرجع الحق لأصحابه. انتظرت لشروق الشمس عشان يشوف البوست أكبر عدد ممكن من المتابعين لي.

قبل كل شيء، كل الشكر لشعب المحلة وفي القلب منه شباب المدينة اللي انتصروا للحلم والرؤية وأنصفونا ونجونا من طوفان المال السياسي.. انتم أثبتم أنه برغم كل شيء لسه في أمل وإن لسه الأماني ممكنة.

انتصار الأمس، مكانش انتصار لبلال، كان انتصار لعشرات من الصبايا والشباب وأهلنا، اللي اشتغلوا تطوعا إيمانا بحلمهم.. حلم #مصر_اللي_جايه.. مصر اللي بنحلم بيها، مصر العزيزة القوية الرائدة، مصر العدالة الاجتماعية والحرية.

الانتصار ده اللي حققه هم أبطال حملة مصر اللي جايه، كتيبة القادة اللي أنا فخور إني فرد منها، اللي كل بنت وشاب فيها، قائد بـ 100 حملة انتخابية.

الأشراف، الفرسان، القادة، السادة.. زملائي الأبطال اللي عملوا أفضل حملة انتخابية في مصر كلها، اللي قاوموا اليأس والإحباط وتمسكوا بالأمل، اللي واصلوا اللي بالنهار وتعبوا عشان يحققوا حلمهم.. الشباب اللي مفيش حد هيقدر يوقفه، لأنه شباب مؤمن بحلمه وبيحارب عشانه، ومؤمن بالنصر.. النصر وفقط.