السيسي: قرار وقف البناء متأخر 20 سنة.. ومناطق بالقاهرة مش هيطلع لها ترخيص بناء خالص والجراج اللي مش هيشتغل هناخده
كتب- فارس فكري
قال الرئيس عبدالفتاح السيسي، إن الدولة عازمة على حل مشكلة البناء المخالف.
وأضاف السيسي: لازم نحل مسألة البناء المخالف، واللي وصلنا ليه ده كفاية كده عليه، والله العظيم قرار وقف البناء ده متأخر 20 سنة، الجراج اللي مش هيشتغل هناخده وهنطلع قرار نزع ملكية لكل الجراجات اللي مش مستخدمة.
وقال إن عدة أماكن في محافظة القاهرة لن يصدر لها ترخيص بناء على الإطلاق، مضيفا: “مش هيطلع لها ترخيص تاني خالص”.، وأضاف المناطق اللي هيصدر ليها ترخيص لو اشتراطات المباني كانت بتقول 5 أدوار هيبقى دورين بس”.
جاء ذلك خلال افتتاح الرئيس، اليوم الأحد، لعدد من المشروعات القومية من بينها المرحلة الثالثة من سلسلة إسكان الأسمرات وهي “الأسمرات ٣”، بالإضافة إلى افتتاح مجمع للخدمات يُلبي مطالب نحو 100 ألف نسمة يقطنون مشروع الأسمرات بمراحله الثلاث.
وتابع السيسي: لما وقفنا التراخيص والمباني ده أمن قومي وكنا قبل كده بناخد الناس بالراحة ونطول بالنا علشان الناس تستوعب إن في خطر حقيقي عليهم، أنا الرخصة لازم أعمل ليها إحكام كأنه عقد بين الدولة وصاحب الترخيص
