سيد علي: مش لازم سمن في الأكل وبلاش لحمة طالما أنتم مش قد سعرها علشان الناس تحترم نفسها (فيديو)
علي: الناس ركبت الموجة ونسيت اللي حصل لنا في 25 يناير.. ونحتسب شتيمتنا عند الله
طالب الإعلامي سيد علي، المواطنين بعدم شراء اللحوم ومقاطعتها، طالما أنهم غير قادرين على ثمنها، مؤكدا أن دعوتها هدفها توعية المصريين لمواجهة غلاء الأسعار.
وقال علي: “أنا عاوز أقول لحضراتكم مش لازم مش خالص، أعمل أكل بدون السمن المهدرج، طبعا الناس هتاخد كلامي وتقول إني أدعو الناس مش لازم تاكلوا، وهذا الكلام لم يعد يعنيني، لأننا اكتشفنا أن السمن المهدرج في منتهى الخطورة، ونحن نحذر منه، لأننا مصدر وعي وتنوير لأهلنا”.
وأضاف، خلال برنامجه “حضرة المواطن” على قناة “الحدث اليوم”، مساء أمس الاثنين 23 يناير 2023: “ناس جابت لي فيديو بقول متاكلوش لحمة، آه متاكلش لحمة طالما هي غالية وأنت مش قدها، وتقاطعها علشان الناس تحترم نفسها، إيه الغلط في الكلام ده؟”.
وتابع: “السبت اللي جاي هقول لكم ماذا حدث لنا في يناير 2011، لأن الناس نسيت، وفيه ناس كانوا راكبين الموجة، دلوقتي عاملين أبطال وبيقدموا وبيتكلموا، وبراءة الأطفال في عينيهم، وكنا إحنا اللي بنتشتم، لكننا نحتسب ذلك عند ربنا”.
