السيسي: ميصحش الإعلام يصور الناس مرعوبين على الأكل والشرب.. واللي بيقول المشروعات القومية سبب أزمتنا بياخد المواطن في حتة تانية

آثار الأزمة كبيرة وتسبب آلاما للمصريين.. وبنحاول الأمور متبقاش ضاغطة على الناس

الدولة هتستمر بتضحياتنا.. وأثق في عبور الأزمة لأن الله لا يضيع أجر من أحسن عملًا

احتفالية مرتقبة في شمال سيناء احتفالا بالقضاء على الإرهاب.. ومفيش قطعة أرض حد يقدر ياخدها مننا أو يسيطر عليها

حذر الرئيس عبد الفتاح السيسي، مما وصفها بأنها “دعاوى مضللة يتم ترديدها لتصوير الأزمة الاقتصادية كأنها شأن مصري خالص ونتيجة للسياسات الاقتصادية للدولة ومشروعاتها”، ودعا المواطنين للصمود أمام الأزمة، معلنا إقامة فاعلية في مدن شمال سيناء قريبا احتفالا بالقضاء على الإرهاب.

وقال السيسي خلال كلمته في احتفال عيد الشرطة الـ71 اليوم الاثنين، 23 يناير 2023: “الأزمة الاقتصادية تمس وتضر العالم كله، نحن ونحن مضارين منها، طيب نصمد لها ولا؟، الدولة تحاول تقليل هذه الآثار بكل ما أوتيت من قدرات، لكن القدرات دي مش بتاعتي ومش بتاعة الحكومة، بنحاول الأمور متبقاش ضاغطة على الناس”.

وأضاف: “أنا ليا عتاب على الإعلام.. أنتم ليه بتصوروا المصريين على إنهم مرعوبين على الأكل والشرب، والله ما يصح أنك تبينا أننا مرعوبين على الأكل والشرب، لا مايصحش كده، وكأن آخر الدنيا، وأنا مش بقول إن ده كلام مش صحيح، لأ بس بقول مش ده آخر الدنيا في مصر”.

وأكد: “بقول للشعب المصري إن الدولة دي هتبقى وتظل وتستمر وتكبر بينا كلنا وبتضحياتنا، واللي من ضمنها دي تضحية الظروف دي اللي إحنا ماعملنهاش لكن قدر الله شاء إن الدنيا تبقى كده في آخر 3 سنوات ويمكن تستمر معانا، لازم نصمد ونقف أمام ظروفنا زي ما وقفنا قدامهم في 2013”.

ونفى السيسي خلال كلمته أن يكون الإنفاق على المشروعات القومية السبب في الأزمة الاقتصادية التي تمر بها البلاد، متسائلا: “هل كان ممكن نتجاوز ومنطورش قناة السويس اللي كان دخلها 4.5 مليارات مليار دولار، وييجي النهاردة بعد 7 سنين يكون دخلها السنوي 8 مليارات دولار، إن المشروعات التي نفذتها الدولة لها مبررات علمية وفنية وليست سياسية، المشروعات دي لو متعملتش يبقى إحنا قصرنا في حق الناس، واللي بيكلم المواطن عاوز ياخده في حتة تانية ومش بيتكلم بموضوعية ولا علم”.

واستطرد: “آثار الأزمة كبيرة وتسبب آلاما للمصريين لا سيما على محدودي الدخل والفئات الأكثر احتياجا، وهذه الفئات تخوض كفافا يوميا هائلا، تدعمه الدولة عبر توفير احتياجات هذه الأسر ومواجهة ارتفاع الأسعار، والتزام بالحكومة بمساندة هذه الفئات هو التزام كامل لم ولن يتغير”.

وواصل: “ثقتي في الله وفى شعب مصر مطلقة بأننا سنعبر ونتجاوز الأزمة الاقتصادية العالمية وآثارها علينا، بالعمل المخلص، والجهد الذي لا ينقطع، والإيمان بأن الله لا يضيع أجر من أحسن عملًا، وقدرتنا على بناء وطن يحقق آمالنا في الحياة الكريمة”.

في سياق متصل، أعلن السيسي عن احتفالية مرتقبة في مدن العريش ورفح والشيخ زويد في شمال سيناء احتفالا بالقضاء على الإرهاب، لافتا إلى أن الزيارة الأخيرة لرئيس الوزراء مصطفى مدبولي لشمال سيناء شهدت أول هبوط لطائرة في مطار العريش منذ 8 سنوات”.

واستكمل: “الاحتفالية تؤكد قدرة الدولة إن مفيش قطعة أرض حد يقدر ياخدها مننا أو يسيطر عليها، الحمد لله بعد 10 سنين نقدر نقول مصر مفيهاش إرهاب”.