في كلمة أمام حشد كبير من مناصريه بـ”بورسعيد”| الطنطاوي يرفض التعرض لمؤيدي السيسي: مشكلتنا مش معاهم.. لكن بنطالب بالمعاملة بالمثل
كتب – أحمد سلامة
أعرب المرشح الرئاسي المحتمل، أحمد الطنطاوي، عن رفضه لبعض الهتافات التي رددها مؤيديه وتعرضت بالانتقاد لمؤيدي المرشح المنافس عبدالفتاح السيسي، خلال تواجده أمام مقر الشهر العقاري بمدينة بورسعيد.
وأمام حشد كبير من أنصاره، علّق الطنطاوي على بعض الهتافات التي تناولت مؤيدي السيسي بالقول “لا، مش هسمح بكدا، دول اخواتكم وأهلكم، أنا مش هسمح بأي هتاف فيه إساءة لأي مواطن مصري، دا رأيهم ودا حقهم، إحنا مشكلتنا مش معاهم”.
ووجه الطنطاوي حديثه إلى مناصريه “محدش في حضراتكم مشكلته مع إخواته اللي واقفين بيؤيدوا المرشح المنافس، دول مواطنين مصريين ودا رأيهم ودا حقهم، كل المفروض إننا نطالب بيه إننا نكون على قدم المساواة، زي ما الشهر العقاري مفتوح لهم علشان يعملوا التوكيلات فإحنا كمان بنطالب بإن الشهر العقاري يكون مفتوح لنا علشان نعمل توكيلاتنا”.
وأشار المرشح المحتمل إلى أن “قرار الهيئة الوطنية للانتخابات بيقول إن مفيش مواطن يتوجه إلى الشهر العقاري ويمشي من غير ما يعمل توكيل، حتى لو استدعى دا إن الشهر العقاري يفضل شغال بعد مواعيد العمل الرسمية.. اللي شوفته في المحافظة دي وفي كل محافظة أنا بزورها إننا ممنوعين من عمل التوكيلات”.
وردد المشاركون مع الطنطاوي العديد من الهتافات من بينها “عيش حرية عدالة اجتماعية” و”افتح افتح توكيلات” و “الصحافة فين الرئيس أهو”.
