في رسالة عبر درب| أكثر من مائة مصري في إندونيسيا يطالبون بسرعة إعادتهم: «محتاجين خطوات سريعة»

كتب- إسلام الكلحي

وجه يسري سليمان، مواطن مصري عالق في إندونيسيا، رسالة استثغاثة عبر موقع «درب» نيابة عن نحو مائة مصري، إلى السلطات المصرية، طالب فيها بسرعة التدخل وإعادتهم إلى مصر.

وقال سليمان البالغ من العمر 30 عاما، في تصريحات لـ«درب» إن عدد المصريين العالقين في إندونيسيا حوالي مائة شخص، مشيرا إلى أنهم تواصلوا مع السفارة المصرية في جاكرتا، ووزارتي الخارجية والهجرة، لكن دون فائدة.

وطالب سليمان، الذي سافر إلى إندونيسيا بغرض السياحة قبل قرار الحكومة بتعليق حركة الطيران، المسؤولين بسرعة التدخل وإعادتهم إلى مصر، حيث قال: احنا «محتاجين خطوات سريعة لأن الوقت مش في صالحنا»

وفي مقطع فيديو نشره الأحد الماضي، طالب سليمان من الرئيس المصري عبدالفتاح السيسي، بالتدخل وإعادتهم للبلاد، مشيرا إل أنهم تواصلوا مع مسؤولين في الدولة ولكن لم يتم حل مشكلتهم.

وقال إن «أغلب الناس الموجودة دول همه عرسان جداد.. شباب صغير كان طالع هنا عشان يقضي شهر العسل بتاعه».

وأضاف «الناس دي كانت عامله حسابها على أنه تقضي هنا أسبوع أو أسبوعين لكن بسبب الظروف اللي حاصله دلوقتي فكل تذاكر العودة بتاعتهم اتلغت ودي كانت جزء كبير من الميزانية زائد على كده أن الناس دي دلوقتي قعدوا زيادة عن الإقامة اللي كانوا عاملين حسابهم عليها يمكن حوالي اسبوعين».

رسالة الي سيادة الرئيس عبد الفتاح السيسي من المصريين العالقين في اندونسيا .ياجماعة بعد اذنكوا اعملوا شير للفديو علشان صوتنا يوصل و اعرف ان كل شير بتعملوا ممكن يكون سبب في فك كرب علي اخوك او أختك AbdelFattah Elsisi – عبد الفتاح السيسي

Geplaatst door Yousri Soliman op Zaterdag 4 april 2020

وأشار سليمان لى أن ميزانية غالبية العالقين «باظتهم خالص»، موضحا: «اللي عنده بطاقة ائتمانية قدر إنه يستخدمها، واللي حد من أهله قدر يساعده ساعده، لكن دلوقتي الناس دي فلوسها خلصت ومبقتش عارفه تعمل إيه».

وأكد سليمان أن الرعاية الصحية في إندونيسيا «يمكن تكون ضعيفة شويه»، كما أن الإجراءات الاحترازية ا ي اتخذتها السلطات هناك حتى الآن «ضعيفة» فيما ترتفع نسب العدوى بفيروس كورونا، مستطردا: «فاحنا وجودنا هنا كل يوم بيعرضنا ان واحد منا ممكن يقع لا قدر الله».

ووجه سليمان استغاثة إلى رئيس الجمهورية قال فيها: «بطلب من حضرتك تكرما إن احنا لو فيه طيارة تيجي تاخد الناس دي، ولغاية لما ده يحصل لأن ده ممكن ما يحصلش ي خلال اليومين الجايين، لأن ممكن تكون في الصورة الأكبر الوضع مش بالسهولة دي، إن الناس دي البلد توفر ليهم إقامة محترمة ليهم ولمراتتهم عشان الناس دي ما تتبهدلش»، لافتا إلى أن بعض العالقين تواصلوا مع عدد من المسئولين في الدولة «لكن حصل نوع من أنواع التسويف ومكنتش فيه حلول فعالة».

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *