عمرو أديب: خايف أموت هتتعمل عليا حفلة غير طبيعية.. بنعمل في بعض كدة لية يا جماعة؟.. مش عايز أموت خوفا من اللي بتعملوه
كتب- درب
استنكر الإعلامي عمرو أديب، الحديث حول أي خلافات أسرية كانت بين الفنان الراحل هشام سليم وأسرته، وذلك بعد أيام قليلة من وفاته بعد صراع مع المرض.
وقال أديب في برنامجه: “ليه مبقيناش نعرف نسيب الناس تموت في سلام؟ لو حد مات يجوز عليه الرحمة، قولوا الله يرحمه ونقطة، جرا لكم إيه بقيتوا متوحشين ليه؟ الحكم على الرجل اللي مات هيفيدك في إيه؟ هشام سليم توفى وسط أهله ومشكلاته مع إخوته حُلت، والرجل مريض منذ عامين”.
وأضاف: “بنعمل في بعض كده ليه يا جماعة؟ أنا خايف أموت والله، هتعملوا فيا إيه لما اموت؟ أنا هيتعمل لي حفلة غير طبيعية.. مش عاوز أموت خوفًا من الموت، ولكن خوفا من اللي بتعملوه”.
وتابع: “لو سمحتم لما أموت قولوا الله يرحمه وبس، الراجل بعد موته عند ربنا، في إيد الرحمن الرحيم يا ظلمة يا اللي مبترحموش حد، يا اللي بتاكلوا لحم الناس الميتيين، اتقوا الله وخلوا عندكم رحمة”.
ونوه إلى أنه تحدث إلى مجموعة من أقارب الفنان الراحل، والذين تساءلوا عن سبب خوض الناس في أعراضهم بهذا الشكل، متسائلًا عن الأهمية عندما يعلم المواطن عما إذا كانت أخت هشام سليم تتواصل معه أم لا، وعما إذا صلى أخوه عليه أم لا.
