عبد المجيد راشد يكتب قصيدة مهداة إلى محمد الباقر فى عيد ميلاده: لسه صوت الحـق
و فيكى وشوش
من غير رتوش
معجونة
بالعشق ف ترابك
داقين بإيد الحلم على بابك
فى الشدة اولادك و أحبابك
ووقت الغنيمة زاهدين
و ما يطلبوش
وشوش بشوشه
ضحكتها نسمة أمل
هتافها نور
يروى الشراقى البور
و كلمتها مش مغشوشة
تاريخها ضى فى عتمة الزنزانة
وشوش ثابته على حلمها
و حافظة عهدها و الأمانة
مكتوب فى صفحة تاريخنا
مين اللى صامد و لا يهموش
لسانه صوت الحق
و مين تاريخه فاشوش
***************
#عيد_ميلاد_الفارس_محمد_الباقر
شعر عبد المجيد راشد
