شقيق عمرو إمام يجدد المطالبة بالإفراج عنه بعد أكثر من 1000 يوم حبس: مش هو وحده اللي محبوس.. أنا ووالدته وأسرته محبوسين
كتب- درب
جدد ياسر إمام، شقيق المحامي الحقوقي عمرو إمام، مطالبه بالإفراج عنه بعد تجاوزه 1000 يوم في الحبس الاحتياطي منذ القبض عليه، دون إحالته للمحاكمة أو إخلاء سبيله.
وألقت قوات الأمن القبض على عمرو إمام في أكتوبر 2019، وتم التحقيق معه واتهامه في القضية رقم 488 لسنة 2019 حصر أمن دولة عليا، وهو المحبوس على ذمتها منذ ذلك الحين.
وقال شقيق عمرو إمام: “متخيلناش ابدا أننا نوصل للرقم ده في حبسه، مش عمرو لوحده اللي محبوس، أنا وأمي ومحمود كلنا محبوسين من أول يوم فاقدين لكل متع الحياة ومستنين اللحظة اللى هتترد فينا الروح والحياة مرة تانية وهو معانا ومتجمعين”.
وأضاف: “هفضل اقول اننا متمسكين بالأمل وهافضل اكرر أننا فخورين بك وبرسالتك يا عمرو وكلنا ثقة باذن الله إن المحنة دى رغم صعوبتها هتخرج منها وهتعديها ويكفينى كمية رسائل الحب اللى بتيجى من شباب كتير كنت محاميهم أو من كل اللى اتعامل معاك”.
ويواجه عمرو إمام في قضيته اتهامات متنوعة ببث ونشر وإذاعة أخبار وبيانات كاذبة، إساءة استخدام وسيلة من وسائل التواصل الاجتماعي “فيسبوك”، ومشاركة جماعة إرهابية مع العلم والترويج لأغراضها.
