رسالة من زوجة الصحفي كريم إبراهيم بعد إكماله عامين في الحبس الاحتياطي: سنتين لم أره دقيقة واحدة.. من حقه الحرية ويكون بين ناسه

جهاد سيد: سنتين مش عارفين محبوس ليه وعمل ايه.. وتواصلنا مع كل الجهات وكل الأشخاص دون جدوى

كتب- درب

طالبت جهاد سيد، زوجة الصحفي بالبوابة نيوز كريم  إبراهيم، بالإفراج عنه مع إكماله عامين في الحبس الاحتياطي دون محاكمة فياتهامات بالانضمام لجماعة محظورة.

وقالت الزوجة في رسالة حصل عليها “درب”، إنها طوال هذه المدة لا تعرف سبب القبض على كريم أو أسباب حبسه طوال عامين.

وأضافت الزوجة، أنها طوال هذه المدة لم تراه ولا مرة، بسبب منع الزيارات عنه والسماح فقط بزيارة طبلية وإدخال مستلزمات.

وقالت جهاد: “طول مده حبسه نحاول بكافة الطرق مع كل الجهات بحاول اتواصل مع كل الناس اللي في لجنه العفو إننا نحصل على إخلاءسبيل، لكن دون جدوي بجد كريم يستحق الحريه”.

يذكر أن قوات الأمن ألقت القبض على كريم في ابريل ٢٠٢٠ وظل مختفيا لمدة ٦ أشهر وظهر في نيابة أمن الدولة التي قررت حبسهاحتياطيا منذ عامين وحتى الآن.

ويواجه كريم في قضيته اتهامات ببث ونشر وإذاعة أخبار وبيانات كاذبة، إساءة استخدام وسيلة من وسائل التواصل، والانضمام لجماعةإرهابية.

نص رسالة الزوجة:

سنتين حبس احتياطي لكريم ليه ؟

____

سنتين من غير م يعمل اي حاجه تدينه سنتين مشفتهوش وكنا بنحقق حلمنا وهنتجوز..وكل حاجه وقفت واعمارنا بتروح مننا

في شهر أبريل 2020 تم القبض ع كريم  واختفاءه قسرياً لمدة سبع شهور من غير  ما نعرف عنه معلومة واحدة ظهر في النيابة فياكتوبر2020 على ذمة قضية 569 لعام 2020 .. 

قعدنا طول مده حبسه نحاول بكافة الطرق مع كل الجهات بحاول اتواصل مع كل الناس اللي في لجنه العفو إننا نحصل على إخلاء سبيل،لكن دون جدوي بجد كريم يستحق الحريه

كريم مكانه مش السجن .. منتظره حريته بفارغ الصبر كريم كان في سجن طره شيديد الحراسه ٢ ومكنش لي زياره غير طبليه يعنيمكنتش بشوفه، وتم ترحيله سجن بدر من شهر ومعرفش عنه حاجه بحكم اني بدر مكانه بعيد  

ولكن حدث ما لم يكن في البال. اني كريم اتظلم ظلم كبير في حاجه معملهاش كريم طول عمره شخص ملتزم في كل شيئ بيعمله مالوشاي انتماء سياسي طول عمره طموح ومجتهد وبيحب شغله وكان عايز يكون أفضل في شغله اللي بيحبه 

كريم قارئي نشره اخبار في البوابه نيوز وهو اللي كان بيكتب اعداد النشره وهو اللي بيقدمها كريم مكانه وسط ناسه مش السجن انا كلاللي بطالب بيه إخلاء سبيله ويعيش 

حياته 

يوم16/10/2022 تم سنتين حبس احتياطي مش كفايه عليه عقاب في حاجه معملهاش يوم 10/10 كان عيد ميلاده سنتين بيقضي عيدميلاده جوه وعمره بيجري بتمني يكون من وسط الناس اللي بتخرج ويخلي سبيله دي ابسط حقوقه كمواطن مصري كريم مكانه بره السجن…

اللهم فك اسره واربط علي قلبه الصبر هو وكل اسير 

#الحريه_للصحفي_كريم_ابراهيم 

#feer_karim_ibrahim

زوجته: جهاد سيد ابراهيم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *