رسالة إلى سولافة وحسام من والدتها مع اقتراب إكمالهما 365 يوما في الحبس: الحزن وجع قلبي وغير ملامحي.. وحشتوني أد الدنيا

تغريد زهران لابنتها: بحاول اخطف منك نظرة زيادة في الزيارات.. وابنكم اللي صحي في يوم قولتله أنكم مسافرين.. لكن السفر طال يا سولافة

كتب- حسين حسنين

أرسلت تغريد زهران، والدة المصورة الصحفية سولافة مجدي، رسالة إلى ابنتها وزوجها في محبسهما، مع اقتراب اكتمال عام على حبسهما في اتهامات متعلقة بنشر الأخبار الكاذبة.

وكانت قوات الأمن قد ألقت القبض على سولافة وحسام وصديقهما محمد صلاح يوم 26 نوفمبر 2019 من مقهى بالدقي، ومنذ ذلك الحين وهما رهن الحبس الاحتياطي على ذمة القضية رقم 488 لسنة 2019 حصر أمن دولة.

وتواجه سولافة وزوجها اتهامات من بينها بث ونشر وإذاعة أخبار وبيانات كاذبة، إساءة استخدام وسيلة من وسائل التواصل الاجتماعي “فيسبوك”، ومشاركة جماعة إرهابية، بينما زوجها متهما بالانضمام إلى الجماعة.

وعبرت تغريد زهران في رسالتها إلى ابنتها عن بالغ حزنها وحزن طفلهما خالد الذي تقول إنه “فوجئ في يوم من الأيام أنكم مسافرين، ولكن السفر طال جدا”.

نص رسالة الأم:

اشتقتلكم اد الدنيا

مش عارفه اقولكم ازاي انه انتو كل دنيتي ومش عايزه اقولكم الدنيا عملت بيا ايه بغيابك ومش عايزه افتكر انه كام كم يوم بيصيرلكم سنه بعاد عن خالد الي فجأه صحي من النوم وقلتلو انكم مسافرين بس السفره طولت طولت عليه وعليه كتير لغاية امتى هتفضلي مسافرين

الحزن ألم قلبي وغير ملامحي وبعدكم تعب خالد تعبه جدا انتو عارفين انا اول مره عايزه اعترفلكم

انه الحياه قاسيه على وعليكم والدنيا والظروف غيرت ناس كتير

ما كنتش عارفه انه ده هيحصل

مع العلم انا عايشه برضا ربنا علي

ما خلنيش محتاجه حد وبحمد ربنا انه خالد بردو ما احتاج لحد

الغريب اللمه الي كانت حوالينا من الاول كانت ليه والبعد حصل ليه

انا عايزه اقولكم يا نور عيني كانت ليه كانت عشان اللقطه وبعديها كل واحد ظهر على حقيقته

انا بكتب الكلام ده ليكي يا سلافه

وليك يا حسام وانا مبسوطه وفخوره بيكم انكم مش كده

انا مش عايزاكم تزعلو انا عايزاكم تفهموا الي حصل ده ماحدش يقدر يعوض خالد الا انتوا والله يا بنتي كل ما يسألني عليكم بحس قلبي راح يوقف من الحزن من يومين خالد بيقولي انا بكره البيت علشان ماما وبابا مش فيه

وانا كمان زيك يا خالد بقيت كارهه

كل حاجه حواليي

يلا تعالوا بقا احنا تعبنا من غيركم

أصعب احساس يبنتي على لما باجي ازورك وامشي ببقاس شايفه بعيني

غير سواد وقلبي مكسور اعشان اخطف نظره زياده منك انا بحبك يا حبيبتي يا بنت عمري اوعوا تفتكروا

حد موجوع عليكم غير أهلكم وشويه احباب

بندعيلكم ولغيركم يفك كربكم