رسائل درب| محمد سعيد أنور شاب بدون انتماءات سياسية محبوس منذ يناير 2022.. وشقيقه: سايب طفل 5 شهور بقى عنده سنتين.. حرام شبابه يضيع

كتب – أحمد سلامة

في رسالة تلقتها “درب”، طالبت أسرة الشاب محمد سعيد أنور أحمد، بالإفراج عنه، بعد ما يقرب من سنة و 10 أشهر في الحبس الاحتياطي منذ القبض عليه في يناير 2022.

وقال شقيقه في رسالة وجهها إلى موقع “درب”، “تم القبض على محمد أخويا البالغ من العمر 29 سنة يوم 16/ 1/ 2022 في قضية رقم 5/ 2022  بتهمه نشر أخبار كاذبة والانضمام لجماعه محظورة، تم إخفاؤه إلى يوم 10/ 2 /2022 ثم ظهر في نيابة أمن الدولة العليا”.

وأضاف “محمد لسه متجوز، وسايب طفل عنده 5 شهور، ودلوقتى بقى عنده سنتين وزوجه لا حول لها ولا قوة.. محمد مالهوش دعوة بالسياسة، هو آخره يعمل (لايك) أو (كومنت) لكن ولا عمره نزل في مظاهرة أو له أي انتماءات سياسية لأي حزب أو فصيل، إحنا عايزين محمد يخرج بأي ضمان عشان يكمل حياته وهو شاب في مقتبل العمر وعشان والدته اللي من يوم القبض عليه وهي مش عارفه تنام ووالده اللي لسه طالع معاش وعامل عملية القلب مفتوح وتغيير مفصل وبيعاني من أمراض السكر والضغط… حرام حد يبقي ف عز شبابه كده ويضيع عمره في ظلمات السجن”