حورية فرغلي: عملت 27 عملية في 8 سنين وتمنيت الموت خلال فترة كورونا
كتب: عبد الرحمن بدر
تحدثت الفنانة حورية فرغلي عن الفترة الصعبة خلال السنوات الأخيرة وخضوعها لعدد كبير من العمليات لعلاج أنفها، مؤكدة أنها لم تعد تهتم بما يقوله الناس عن شكلها.
وذكرت في لقائها في برنامج “مساء dmc” عبر قناة dmc: “عملت 27 عملية في 8 سنين، وفاضل عملية واحدة لكنها ليست ضرورية وهي أن يكون شكل فتحة الأنف متماثل”.
وتابعت: في الأول كنت أنفة جدا وبحب يكون شكلي في أحسن صورة، حتى في الفترة اللي كنت تعبانه فيها، لكن من سنتين مش عارفة إيه حصل أخدت ثقة في نفسي، وبقول اللهم لك الحمد والشكر على اللي أنا فيه، واللي مش عاجبه أي حاجة فيا يبص الناحية التانية ميبصليش.
وقالت إنها استعادت حاسة الشم، وأصبحت الآن في حال أفضل، وإنها في فترة كورونا كانت تتمنى الموت.
وأضافت: من سنتين كنت عايزة أموت، كان في كورونا والدكتور اللي ممكن يعالجني في أمريكا والسفارة مقفولة وأنا مناخيري مش مناخير ومش عارفة أكل ولا أشم ولا أبص في المرايا، فالحياة كانت زي الموت.
