السيسي: معايا دعم إلهي.. وخسرنا 400 مليون دولار في 2011 لأن القائمون على بناء الوعى لم يقوموا بدورهم
السيسي: بحلم بـ 3 مليون وحدة سكنية.. هل مازالتم شايفين إننا مهتمين بالطبقة المتوسطة والأغنياء ولا الكل؟
كتب: عبد الرحمن بدر
قال الرئيس عبد الفتاح السيسى، إن حجم التحدى الذى يواجه الدولة المصرية كبيرا، متابعا: “حد كان بيقولى انت ليه مش فرحان رغم اللى بيتعمل في الدولة؟.. أنا مش بشوف اللى اتعمل.. أنا بشوف اللى لسه هيتعمل.. اللى اتعمل خلاص”.
وتابع السيسي خلال كلمته في افتتاح مشروعات إسكان بديل المناطق غير الآمنة: “بفكر المصريين عندما أطلقنا مشروع بناء المدن الجديدة بما فيها العاصمة الإدارية الجديدة، تم شن حملة على هذا المشروع هدفها التشكيك كالعادة وبث عدم الثقة كالعادة.. أو اللى مش فاهم وده قضيته معانا للتوعية وأننا نفهمه.. واللى بيشكك هيفضل يشكك”.
وأضاف: فيه لجنة تم تشكيلها لحجم الخسائر المباشرة اللى خسرتها مصر في 2011 كانت 400 مليار دولار يعنى 6 تريليونات جنيه.. القائمون على بناء الوعى لم يقوموا بدورهم الحقيقى فى هذا الوقت، وكادت البلد أن تدمر كما دمرت دول أخرى، مثلها مثل الدكتور الذى يوصف العلاج غلط بناء على كشف طبى غلط.
وأكد السيسي: “معايا دعم إلهي، اللي بيتعمل بدعم اللهي مش بقدراتنا، والله العظيم ده دعم الهي، وفي تقنين الأوضاع أنا بشرعن غلطك، عشان أحسسك إنك إنسان سوي”.
وقال السيسي: “هل مازالتم شايفين إننا مهتمين بالطبقة المتوسطة والأغنياء ولا الكل؟!.. على مدى الست سبع سنوات الماضية، إحنا ماشيين في برنامج، أنا بحلم بـ 3 مليون وحدة سكنية زى دول.. طب ده الـ 3 ملايين يتكلفوا كام.. المليون وحدة بيتكلفوا من 500 مليار لـ 600 مليار جنيه.. إحنا بنتكلم عن الإنشاء والمرافق ولا نحسب سعر الأرض”.
وتابع: “عايزين نوفر صح، مش نضيع أموال ضخمة مش في الصح، أنأ أكل لقمة عيش بشوية شاي بس أقعد هنا، وأولادي يتحركوا بسلام”.
وأضاف السيسي: بكرة تشوفوا هنعمل وهنعمل وهنعمل، إن الله لا يصلح عمل المفسدين، بمشي كتير لوحدي في البلد وبقول لسه بدري، ود. مصطفى بيزعل ويقول أنا أعمل إيه، أنا ما أعرفش تعمل إيه”.
وقال السيسي:” دايما الشكر والحمد لله إنه مكنا إن إحنا نقدر نعمل كده لناسنا وساعدنا على إن نغير حياة الناس، ويا ترى اللى إحنا بنعمله يرضى ربنا ولا لأ؟، بقول الكلام ده للناس اللى بتتكلم في الدين ويقولوا عاوزين يعملوا دين كويس، دين كويس فين؟، دى الناس اللى هاتبقى عايشة الأماكن دى هاتبقى رافضة كل شيء”.
وأضاف: عرفتوا ليه انتوا متصورين لما بطرح القضايا دى هدف تاني، والله مفيش هدف لطرح القضايا زى إعادة تنظيم الدعم الا علشان نوفر بجد وصح، مش قاعدين نطير فى أموال ضخمة جدا مش فى الصح، فين الناس دي والناس دى عايشة إزاى؟”.
