السيسي: مش هندي بطاقة تموين لحد بيتجوز إزاي بتتجوز ومش قادر تصرف.. ومش هنحط بطاقة تاني لأكتر من فردين
السيسي خلال افتتاح مشروعات بالصعيد: في البلد دي باخد الخدمة بأقل من تمنها ولما أخلف أبقى عايز حد يأكل عيالي..
سيدة في أسوان قالتلي مش عارفة أعيش وعندها 6 أولاد قلتلها عندي 100 مليون أعمل إيه؟
هييجي عليكم وقت وتقولوا مش عارفين نعيش والحكومة مقصرة لا نقوم نغير ونهد الدنيا.. كل اللى عندك في دماغك هد الدنيا؟
كتب: عبد الرحمن بدر
قال الرئيس عبد الفتاح السيسي: في البلد دي باخد الخدمة بأقل من تمنها ولما أخلف أبقى عايز حد يأكل عيالي، مش هنحط بطاقة تموين تاني لأكتر من فردين في الجديد.
وتابع في كلمته خلال افتتاح مشروعات تنموية جديدة بالصعيد، الأربعاء:”لن نضع بطاقة تموين لأكثر من فردين في اللى فات وفي الجديد لا مفيش، إحنا لا يمكن هدي بطاقة تموين تاني لحد بيتجوز لأنك بتبقا بتتجوز ومستنى إن الدولة تديك بطاقة تموين .. أنت مش قادر تصرف إزاي يعني ده كلام مش مظبوط، دي ثقافة اتشكلت في وجدان الناس مش موجودة في غير بلدنا إحنا بس”.
وتابع الرئيس: “اشترى الحاجة أقل من ثمنها وكمان لما أخلف أخلي حد يأكلي عيالي، ده في البلد دي بس، علشان كده البلد مقدرتش تقوم خلال السنوات اللى فاتت”.
وأضاف السيسى:”اللي الدولة بتعلمه ده محاولة للتعويض.. ومش أبدا والله إساءة لحد، محاولة لتعويض ما فاتنا، كنت بقابل الناس في الشارع، في سيدة في أسوان قالتلي مش عارفة أعيش وعندها 6 أولاد، قلتلها عندي 100 مليون أعمل إيه؟”.
وتابع: “الدولة على مدار 30 سنة بتصرف 900 مليار جنيه.. في السبع سنوات تريليون جنيه.. اللى بتصرفه في 7 سنوات أكبر ما تم صرفه فى 30 سنة.. واللى بيتصرف الهدف منه تعويض اللى فات”.
وقال السيسي: “النهاردة يوم جميل أوي، وبقولكم بصراحة، وهقول حاجة ومحتاج نفكر فيها.. القيمة الاستثمارية على مدار السنوات قبل تولى المسئولية في حدود 30 مليار جنيه في 30 سنة يعنى 900 مليار جنيه واحنا فى 7 سنوات أنفقنا في متوسط التريليون جنيه”.
وأكد السيسى، أن التحدى الخاص بتحسين أحوال المواطنين ليس تحدى للحكومة فقط ولكن لكل عناصر الدولة، التحدى لا يخص الحكومة وحدها، كل العناصر الموجودة في الدولة، الحكومة ومنظمات المجتمع المدنى ثم المواطنين، كنت فى أسوان بعد موضوع السيول اللى حصلت”.
وقال السيسى: “أنتم كمصريين هيجى عليكم وقت وتقولوا مش عارفين نعيش والحكومة مقصرة، لا نقوم نغير ونهد الدنيا.. كل اللى عندك في دماغك هد الدنيا.. أيوه وأنا مسئول عنكم بفكر في الدولة المصرية والحفاظ عليها، إيجاد أسباب نمو مناسبة وتوفير الرخاء على قد ما بنقدر، في إطار ما المعادلة الصعبة اللى بنتكلم فيها مع بعض”.
