السيسي: مستعد أعمل حرية تعبير بالطريقة اللي بتقدروها بس اديني أجيب المطالب الأساسية للناس لأنهم بعد ما بيخلصوا مظاهرة بيروحوا عايزين يأكلوا (فيديو)

السيسي: انتم بتتكلموا على قضية حقوق الانسان وكأن مفيش غيرها.. ومستعد أعمل انتخابات كل سنة بشرط تدفعوا التكاليف

السيسي: مستعد اسمع أي نقد حقيقي.. إدونا فرصة نتحول للأفضل دون ضغط وفي النهاية مش هتقدروا تساعدونا

كتبت- ليلى فريد

قال الرئيس عبد الفتاح السيسي: “مستعد أعمل حرية تعبير حقيقية بالطرقة دي اللي انتو بتقدروها كمتابعين ومراقبين ومنظرين، بس اديني المبلغ ده عشان أجيب المطالب الأساسية للناس ويبقى فيه إنفاق لأنهم بعد ما بيخلصوا المظاهرة بيروحوا البيت عايزين يأكلوا، إزاي بقى؟”.

لمشاهدة الفيديو اضغط هنا

وتابع خلال لقاء مع الصحفيين على هامش منتدى شباب العالم 2022 بشرم الشيخ:”حرية التعير مكفولة، وأنا مستعد اسمع أي نقد حقيقي، يكون سبيل لتقيم الدولة دي، حتى بعد التجربة اللي انتو شفتوها في الـ6 ،7 دول، لسه فيه نقاش تاني؟، الدول المتقدمة خدت وقتها في التطور بالمجالات المختلفة، إدونا فرصة نتحول للأفضل دون ضغط وفي النهاية مش هتقدروا تساعدونا”.

وأضاف السيسي: “ليه مش عايزين تفرقوا إن ده ممكن يحصل في دولة زي مصر، وإحنا كنا مهددين خلال الفترة السابقة”.

وقال السيسي: “أنت بتتكلم وكأن مفيش في مصر غير القضية دي؟ (الحريات)، القضية دي لا تعكس الرأي العام في مصر، ومستعد أعمل انتخابات كل سنة بشرط تدفعوا تمن تكاليف الانتخابات، ولو الناس قالت امشي همشي، وإرادة الناس هي المعيار”.

وتابع: “الناس في مصر لو مش عايزانا نمشي على طول، غير كده يبقى محاولة للإساءة للدولة، وبنحرص نكون عامل إيجابي في كل مشاكل العالم، حافظوا على هذا الصوت العاقل”.