السيسي عن الأزمة الاقتصادية: اسمعوا من الحكومة وأي اجتهاد من آخرين ممكن يعمل بلبلة.. وبطلوا هري!
هو احنا دخلنا حروب وضيعنا فيها أموالنا ولا عملنا مغامرات؟ احنا بندفع الثمن زي أي دولة بسبب كورونا وحرب روسيا
كتب- درب
طالب الرئيس عبد الفتاح السيسي، الشعب بالاستماع إلى الحكومة فيما يتعلق بالأزمة الاقتصادية، مؤكدا أن الحكومة “لديها بيانات، وأي اجتهاد من الآخرين م مش مكروه بس ممكن يعمل بلبلة”.
وقال السيسي خلال فعاليات المؤتمر الأول للتحالف الوطني للعمل الأهلي التنموي: “في 2023، الظروف صعبة جدا، وده مش معناه إن الحكومة مش هتقوم بدورها، شايف الناس لما تتكلم كلام مش متنظم ولا مترتب، يخوفوا بعض، اسمعوا مننا، مش عشان أصدق من غيرنا، لكن عشان عندنا بيانات”.
وأضاف السيسي: هقول تعبير حميل ممكن متنساهوش، بطلوا هري، بطلوا هري، هو إحنا منقدرش كدولة وشعب نصمد أمام أي تحدي، يعني لو مصر ظروفها صعبة هتتخلي عنها، بكلم كل اللي بيسمعني، هو احنا دخلنا حروب ضيعنا فيها أموال مصر، دخلنا مغامرات ضعينا فيها أموال مصر؟”.
وتابع: “الحرب دي مش بتاعتنا، الموقف اللي حصل سواء كورونا أو أزمة روسيا، مصر معملتوش، مصر بتدفع الثمن زي أي دولة”.
