الحرية للمجهولين.. أحمد دينو شاب إسكندراني محبوس احتياطيًا منذ أكثر من 3 سنوات.. وخالد علي ينشر رسالة أسرته: كفاية اللي ضاع من شبابه
أسرته: دلوقت هو مدمر نفسياً ويعاني من تشنجات وترجيع في السجن.. كفاية علينا كأننا مسجونين ومحكومعلينا بالجري وراه من سجن لسجن
كتبت- ليلى فريد
نشر خالد علي، المحامي الحقوقي، رسالة من أسرة أحمد حسنين دينو، الشاب الإسكندراني المحبوس على ذمة القضية 1475 من يوم 18 نوفمبر 2019.
وذكرت الأسرة في رسالتها أن حسنين محبوس منذ أكتر من 3 سنوات، وأنه منذ عام تم إخلاء سبيل كل المتهمين على ذمة القضية 1475 إلا دينو، وأنه لوحده في القضية من سنة.
وتابعت: دلوقت هو مدمر نفسياً وتعبان بيجيلو حالة تشنجات وترجيع في السجن، وعنده قرحة في المعدة بتخليه يرجع دم.
وأضافت الأسرة: “نفسنا نعرف هو ليه محبوس لحد دلوقتي، خرجوه يعيش حياته، كفاية اللي ضاع من شبابه وكفاية علينا إحنا كمان أهله كأننا مسجونين ومحكوم علينا بالجري وراه من سجن لسجن، ربنا يبارك فيكم ويراضيكم أعلموا أى حاجة عشان يخرج، كفاية كدا والنبى”.
ومؤخرًا طالبت أحزاب وشخصيات عامة ومنظمات مجتمع مدني بوضع حد للحبس الاحتياطي المطول، والإفراج عن جميع المحبوسين على ذمة قضايا رأي.
