أحمد موسى عن مصافحة السيسي وأردوغان: مصر بلد كبيرة والمسألة محتاجة هدوء.. أي خطوة بياخدها الرئيس هدفها الشعب (فيديو)

موسى: الصورة الكاملة مش موجودة عند أي مواطن.. وتركيا اخدت إجراءات على مدار سنتين واستجابت لطلبات مصرية بشكل واضح

أشار الإعلامي أحمد موسى إلى لقاء الرئيس عبدالفتاح السيسي بنظيره التركي رجب طيب أردوغان على هامش افتتاح كأس العالم 2022، جاء برعاية قطرية، لافتا إلى أنه يؤكد أن “مصر بلد كبيرة”.

وقال موسى  خلال برنامجه “على مسئوليتي” على قناة “صدى البلد” إن “هذا هو أول لقاء يجمع بين الرئيسين منذ عام 2013.. تاني بقول هذه أول مرة وهذا أول لقاء وهذه أول مصافحة بين الرئيس عبدالفتاح السيسي والرئيس التركي رجيب طيب أردوغان منذ 2013”.

وأضاف: “لما أنت بتشوف لازم تاخد الصورة دي والمشهد اللي قدامك ده المشهد الأوسع.. محدش يبص بنظرة صغيرة ونظرة ضيقة.. لأ مصر دولة كبيرة جدا.. وتتذكروا دائما الرئيس دائما أنت بلد كبيرة.. وزي ما بقول كده لازم نبقى شايفين الكلام ده بشكل واضح ونشوف هذه الصورة اللي تعبر عن هذا اللقاء اللي احنا بنشوفو مع بعض”. 

وتابع: “المسألة محتاجة هدوء، محتاجه إن احنا ننظر نظرة بلد نظرة شعب نظرة دولة لديها الصورة الكاملة، الصورة الكاملة مش موجودة عند أي مواطن ولا موجودة عند أي حد ولازم نبقى شايفين إن تركيا، وأنا بقول اهو على الهواء اخدت إجراءات على السنة ونص اللي فاتت أو يمكن على مدار سنتين خدت إجراءات بشكل واضح واستجابت لطلبات مصرية بشكل واضح”.

وواصل: “أنا عايز حضرتك كمواطن تكون عندك الثقة التامة في قيادتك وفي مؤسسات الدولة المصرية اللي بتشتغل على الملفات الصعبة.. خلي بالك ملفات صعبة قوي ولكن عندك مؤسسات قوية جدا ولازم تبقى شايف الصورة الكاملة.. مش عندك الصورة.. الصورة الكاملة عند الرئيس عبدالفتاح السيسي، وبالتالي أي خطوة بياخدها الرئيس هذه الخطوة هدفها الشعب المصري”. 

وختم قائلا: “احنا زي ما بقولكم كده لازم تبقوا شايفين الحكاية وابعادها الكاملة اللي هي مش موجودة عند أي حد موجودة عند القيادة أي خطوة اتاخدت النهارده في هذه الصورة طبعا اللقطة وهذه الصورة اللي قدامكم لها تفاصيلها.. اقرأ تفاصيلها واقرأ ما وراء هذه الصورة… إن شاء الله مصلحتنا ودايما كده دعواتنا بالتوفيق الدائم لبلدنا ودعواتنا بلدنا تنتصر في كل اتجاهاتها”.

وشهدت مراسم حفل افتتاح كأس العالم في قطر مصافحة بين الرئيس المصري، عبد الفتاح السيسي، ونظيره التركي، رجب طيب أردوغان، فيما يعد استكمالا لعملية تحسين العلاقات بين البلدين بعد سنوات من المقاطعة.

وجاءت المصافحة بين الرئيسين؛ المصري والتركي، في حضور أمير دولة قطر، تميم بن حمد.

وكانت قناة إكسترا نيوز، قد أفادت قبيل انطلاق المباراة الافتتاحية إن قمة مصرية تركية بين الرئيس عبد الفتاح السيسى والرئيس التركى رجب طيب أردوغان، تجرى على هامش افتتاح كأس العالم .

أيضا، ذكرت وكالة “رويترز” للأنباء، الأحد، أن الرئيس المصري عبد الفتاح السيسي التقى نظيره التركي رجب طيب أردوغان على هامش افتتاح نهائيات كأس العالم في قطر.

وذكرت وكالة أنباء الأناضول التركية أن أردوغان صافح السيسي وأجرى لفترة وجيزة محادثات معه ومع قادة آخرين بينهم الرئيس الفلسطيني محمود عباس والعاهل الأردني الملك عبد الله.

وأثارت صورة مصافحة السيسي وأردوغان كثير من ردود الفعل على مواقع التواصل، خاصة وأنها الأولى تجمع الرئيسين منذ تولي السيسي مقاليد الحكم في مصر في العام 2014.

وتوترت العلاقات بين مصر وتركيا عقب الإطاحة بحكم الرئيس المخلوع محمد مرسي في يوليو 2013.