أحمد موسى: الرئيس جمع مليار جنيه لذوي الهمم من “الصناديق” في دقيقة.. لو إحنا معندناش الصناديق دي كنا هنعمل ايه!

كتب – أحمد سلامة

قال الإعلامي أحمد موسى، إن الرئيس عبد الفتاح السيسي وجه بضخ مليار جنيه في صندوق ذوي الهمم “قادرون باختلاف”.. مضيفا “الرئيس طلع مليار جنيه من الصناديق في دقيقة واحدة علشان دعم ذوي الإعاقة.. هل وزارة المالية كانت تقدر تطلع مليار جنيه من الموازنة.. عرفتوا بقى أهمية الصناديق”.

وتابع خلال برنامجه “على مسؤوليتي” عبر شاشة “صدى البلد”، “الصناديق كلها موجودة وفيها فلوس.. لو إحنا معندناش الصناديق دي كنا هنعمل إيه”.

وذكر أن أموال الصناديق تخضع لرقابة شديدة، لافتا إلى تصريح سابق للرئيس السيسي قال فيه إن جنيها واحدا لا يخرج من الصناديق من دون الرجوع إليه.

وشهد عبدالفتاح السيسي رئيس الجمهورية، الأربعاء، حفل “قادرون باختلاف” في نسخته الرابعة تحت شعار “لينا مكان”، بمركز المنارة للمؤتمرات بالتجمع الخامس، حيث وجه بتوفير مليار جنيه لدعم صندوق ذوي الهمم، خلال احتفال “قادرون باختلاف”، في نسخته الرابعة، اليوم الأربعاء، من خلال عدد من الصناديق الخاصة.

وقال السيسي: “كنت بسأل وزير الشباب بقوله إيه أخبار الصندوق بتاع ذوي الهمم، وبعدين لقيت معالي المستشار رئيس البرلمان قالي إحنا يا فندم نعمل قانون ننظم به الموضوع أكتر ويكون في مصادر للصندوق أكتر عشان تقدر تعمل خدمات أكتر لولادنا وبناتنا”.وأضاف: “واسمحولي إن أنا بطلب دعم الهيئات اللي أنا هقول أسماءها أو الصناديق اللي هقول أسماءها، هيئة قناة السويس الصندوق بتاعها يطلع 100 مليون، صندوق الشهداء والمصابين يطلع 100 مليون، صندوق التأمين الصحي يطلع 100 مليون، صندوق الإسكان يطلع 200 مليون، والفريق محمد الصندوق بتاعكم يطلع 500 مليون”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *