السيسي لرئيس الوزراء: بفكر نعمل شقق مفروشة لأننا مش عايزين الأسر تتكلم في مهر ولا فرش ولا تتخانق على حاجة

كتب: عبد الرحمن بدر

قال الرئيس عبدالفتاح السيسي إنَّه سيكون سعيدًا للغاية إذا كانت المنازل التي تشملها مبادرة «سكن كريم» يتمّ فرشها بالمستوى الذي شاهده خلال جولته التفقدية بأكبر قافلة إنسانية لرعاية مليون أسرة على مستوى الجمهورية، ومبادرات الحماية المدنية: «لو إحنا بنعمل كده هبقى سعيد جدًا.. لو بالمتانة دي هتبقى حاجة عظيمة أوي».

ووجَّه الرئيس السيسي حديثه للدكتور مصطفى مدبولي، رئيس مجلس الوزراء، قائلًا: «أنا بفكر إننا نعمل شقق ونفرشها فرش كويس، علشان مش عاوزين الأسر تناقش موضوع المهر، لو يتكلموا في الشبكة ماشي، إنما المهر لأ، ونقول له تعالى فيه شقق مفروشة بإيجار، وجاهزة ويأجّروها بس، ومايدفعش مقدمة كبيرة وأقساط كبيرة وبندرس الموضوع ده بقالنا شهور».

وتابع رئيس الجمهورية: «الفكرة بتاعة إني أعمل إسكان مفروش والناس تدفع إيجار فيه ده موضوع مش في ثقافتنا، بس هيخلي الأسر مابتتكلمش لا في مهر ولا فرش، ولا يتخانقو على حاجة، هيدفعوا إيجار وخلاص، وهنبقى شغلنا أهالينا في دمياط».

وقال الرئيس عبدالفتاح السيسي: عاوز أقولكم إنه لغاية دلوقتى الـ 100 مليار اللى كنا بنحلم بيهم مجوش لغاية دلوقتي، وعلشان كده بقول للدكتور مصطفى لازم تشوفوا وسيلة أخرى تضيف للصندوق أكتر من كده سواء من تبرعات الناس أو موارد نقدر نحشدها علشان فيه دور كبير في ظروف زى الظروف اللي بتمر بالمصريين.

وأضاف: صندوق تحيا مصر تحت المسؤولية المباشرة ليا، يعنى الجنيه مبيطلعش كده، دى طبيعة عندى يعني صعبة قوى، لازم أصدق علشان الفلوس تطلع، علشان تبقوا مطمنين أن أموالكم إن شاء الله بين أيد أمينة يتم إنفقاها وفق دراسات وتصور للتخفيف من مشاكل وقسوة الحياة على الناس في مصر.

وتابع السيسي: نتمنى إن الصندوق يكون له أعمال بر تمتد خارج مصر إن شاء الله.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *