د.منى مينا تكتب عن طب بورسعيد: الكلية خرجت 3 دفعات دون وجود تجهيزات بالمستشفى الجامعي تسمح بالعمل
قالت الدكتورة منى مينا، وكيلة نقابة الأطباء السابقة، إن طب بور سعيد من كليات الطب الجديدة التي انشئت من أكتر من 8 سنوات، ولكن للأسف لسه لحد دلوقتي دون مستشفى جامعي !، طبعا في صورة مستشفى جامعي جميل جدا.
وتابعت، اليوم الثلاثاء: “لكن للأسف مبنى جميل ولكن تجهيزاته لم تكتمل، وبالتالي فلا توجد مستشفى تعمل!، كلية طب بور سعيد خرجت بالفعل 3 دفعات ..دون وجود مستشفى جامعي !”.
وأضافت: التدريب الإكلينيكي للطلبة كان بيتم تحت إشراف أساتذة الكلية في مستشفيات التأمين الصحي في بورسعيد، والامتياز كان في مستشفيات جامعية أخرى، يعني درجة شحططة رهيبة، وحاليا الأوائل اللي مفترض تعينهم كنواب في مستشفى الجامعة مش بيتعينوا عشان مفيش مستشفى جامعة، أو بتعبير أدق .. في مستشفى جامعة دون تجهيزات تسمح بالعمل.
وقالت منى مينا: طبعا الخريجين المفترض تعينهم كنواب مش بيتعيوا، وده مستمر على مدى 3 دفعات، الشباب قدموا شكاوى في كل مكان، الجامعة بتقول ما اقدرش اعينكم دون درجات مالية، والجهاز المركزي للتنظيم والإدارة بيقول أنتم عندكم درجات كتير لم تستخدم، ابعتوها لنا نحول 200 درجة لدرجات أطباء مقيم، حل سهل اهه .. ليه مش بيتنفذ بقى؟؟.
واختتمت: الأهم ليه المستشفى مش بتكمل، عشان الطلبة يتدربوا والمرضى يتعالجوا والنواب يلاقوا شغل لهم ؟؟، محتاجين دعم لمطلب الشباب ..اللي مستقبلهم معلقمش طايلين سما ولا أرض.
