السيسي: أحيانا فهمك هيعذبك إنك هتشوف حاجات محدش هيعرفها غيرك.. وتعلمت من أمي التجرد ومن عمي شدة الرفق بالناس
السيسي:أسعد لحظة في حياتي لسه ماجاتش وما أعرفش أقعد من غير شغل.. واللي بيشتغلوا معايا زهقوا مني ومدبولي قالي ارحمني
كتب: عبد الرحمن بدر
قال الرئيس عبدالفتاح السيسي، خلال احتفالية قادرون باختلاف، الأحد: “أصعب لحظة اللى حسيت فيها إن بلدنا ممكن تروح، أحيانا يكون فهمك مش كده يعذبك لو أنت بتفهم وتعرف قوى ممكن تتعذب قوي لأنك هتشوف حاجات محدش هيعرفها غيرك، أصعب لحظة طب ليه خفت، خفت على ناسي وأهلى وكل الناس اللى موجودة في مصر عددنا كبير وظروفنا صعبة فلو البلد راحت الناس دي هتروح فين؟”.
وردًا على أسئلة ذوي الهمم قال السيسي: “أسعد لحظة لسه ماجاتش، هي الحلم اللي بحلمه لبلدي، يارب بيكم وبمصر والمصريين”.
وتابع: “أكتر أمنية شخصية إن ربي يرضى عني، ودي أمنية عزيزة جدًا، ربنا عظيم السماوات والأرض صاحب الملك كله، يرضى، ياريت، بحلم لمصر وبيها وليها، أحنا مشينا خطوة من ألف وباقي ألف”.
وقال السيسي: “مثلي الأعلى نماذج كتير مش شخص واحد، أولهم أسرتي، والدتي كانت سيدة شديدة الحكمة والصبر، أمي علمتني التجرد، إني أشوف الأمور من غير انحياز، ووالدي كان شديد الهمة وأنا أخدت دي منه، وكان لي عم شديد الكرم وشديد الرفق بالناس، فأنا أخدت دي منه”.
وفي رده عن سؤال هل مازلت تتواصل مع أصدقاء زمان قال السيسي: “مبقاش فيه فرصة أكلم أصحابي ويمكن أسرتي، لكن الظروف والوظيفة هي اللي عاملة كده، لكن أنا غلطان”.
وأضاف: “أنا ما أعرفش أقعد من غير شغل، لأني بحلم وعايز غيري يحلم، ولازم ربنا يساعدني، اللي بيشتغلوا معايا زهقوا مني، ومدبولي قالي ارحمني بقا، إحنا نفسنا نشوف بلدنا أحسن بلد في الدنيا”.
