هالة صدقي: اعتذرت عن حضور الفرح للمشاركة في عزاء سمير غانم
كتبت: ليلى فريد
قالت هالة صدقي عبر صفحتها: “أريد وأنت تريد والله يفعل ما يريد، نزلت من دبي لحضور فرح روحت العزاء واعتذرت عن الفرح، وكما هو معروف في الوسط الفني أن الفنانين العظماء دول كانوا لا يمكن يسيبوا أي واجب سواء عزاء أو زيارة مريض”.
وتابعت هالة صدقي حسابها على (فيس بوك): “في يوم سألت رجاء يا رجاء إنتي ليه بتروحي لكل من هب ودب حتي لو علاقتك بيهم مش قوية وتتعبي نفسك مع ناس ما تعرفيهومش كانت تقولي علشان في عزائي عايزه الدنيا كلها تقف مع أميرة بنتي ويبقي عزاء كبير”.
وأضافت هالة صدقي: “دلال حضرت عزاء مصر كلها وأهم عزاء لها حبيبها وجوزها وعشرة عمرها ما تحضر العزاء ولا عارفين رد الفعل لما تعرف بخبر شريكها في الحياة، وأنها الوحيدة اللي ما ودعتهوش، اوعي تحسبها أبدا سيبها على ربنا واللي رايده هيكون، الإنسان مُسير وغير مخير، الله يرحمك يا مبدع ويصبر بناتك وحبايبك”.
