ياسمين رئيس: ممكن أسيب راجل لسه بحبه عشان جرح كرامتي.. وبحب ابقى ترند بأعمالي مش حياتي الخاصة
كتبت: ليلى فريد
أكدت الفنانة ياسمين رئيس، أنها تفضل الابتعاد عن الرجل حتى لو تحبه إذا جرح كرامتها، قائلة: “ممكن أسيب راجل لسه بحبه عشان جرح كرامتي، أي ست راجل يجرح كرامتها لازم تمشي”، ومزحت: “وفاضل ايه بعد الكرامة وكده فاضل الضرب”.
وأشارت الفنان ياسمين رئيس، خلال حوارها ببرنامج “حبر سري”، مع الإعلامية أسما إبراهيم، على قناة (القاهرة والناس)، إلى أنها كانت خائفة من التجربة الكوميديا في فيلم لص بغداد، مضيفة: “أنا مش متعودة ولكن تفاجئت بردود الأفعال والزملاء في العمل والفيلم خلاني اكتشتفت نفسي في الكوميدي”.
وتابعت: “حبيت دوري جدا وحسيت أن عندي شكل تاني في التمثيل مشتغلوش قبل كده وقبل فيلم لص بغداد معملتش كوميدي خالص وكانت تجربة جديدة عليا، واقدر اعمل فيلم كوميدي من أوله لآخره بطولتي أنا بس ولكن يجب الموضوع يكون كوميدي والسيناريو والممثلين شاطرين”.
وأكدت تغير الكثير من الصفات فيها بسبب ابنها وجعلها تحب الحياة أكثر، قائلة: “أنا اتغيرت عشان ابني واعتبره راجل وهو غير فيا حاجات كتير وخلاني أحب الدنيا أكثر وأكثر إيمان وتفاؤل إن كل حاجة هتبقى احسن طول ما هو موجود”.
وأضافت أن لديها احساس بالمسئولية طوال حياتها ولكن احساس الامومة جعلها أكثر حنية، متابعة: “اكتشف حاجات فيا مكنتش موجودة والناس”.
وتابعت: “بحب ابقى ترند بأعمالي مش بحياتي الشخصية ولكن موضوع الترند مش حاجة حقيقية قوي، والناس بقت عرفه الترند في ناس بتعمله وشركات ماسكة الموضوع ده ودول بحالها دخلت في موضوع الترندات”.
