ممدوح حمزة يصل للقاهرة بعد إلغاء “ترقب الوصول”: قالولي مصر بترحب بأبنائها.. فيه مخلصين ما يزالون في الخارج والسجون (فيديو)
حمزة: لو كان ده اتجاه الدولة نبقى ماشيين صح لكن متقفش عند كده.. أرجو أن تكون هناك انفراجة مش عليا أنا بس
أعلن الاستشاري الهندسي والسياسي البارز الدكتزر ممدوح حمزة عودته إلى أرض الوطن، بعد 3 سنوات من الغياب، نتيجة إدراج اسمه على قوائم الترقب والوصول إثر إدانته غيابيا بحكم قضائي.
وقال حمزة، في بث مباشر على صفحته على “فيسبوك”، مساء الأحد 12 فبراير2023: “وصلت مطار القاهرة، لقيت راجل كبير ضخم حواليه شوية رجالة كتار، بيقولي الحمد لله على السلامة، قلت له حضرتك مين؟ قالي أنا العميد فلان، قلت بس هو والفرقة جايين ياخدوني من الطيارة”.
وأضاف: ‘قالوا لي اتفضل، وواحد منهم ساعدني في حمل الشنطة، واصطحبوني في سكة معرفش فين، وقالولي الدكتور أسامة منتظرك، جابوني في صالة كنت بدفع فيها زمان 500 جنيه، ودلوقتي دخلتها ببلاش، وقابلت لواء قال لي مصر بترحب بأولادها المخلصين، وفاتحة دراعاتها لأبنائها علشان يرجعوا بلدهم، والبلد تستفيد منهم”.
وتابع حمزة: “ده اللي أنا عايشه، في حضور شقيقتي، وزوج ابنة أختي، والدكتور أسامة الغزالي حرب، لو كان ده اتجاه الدولة حاليا يبقى إحنا ماشيين صح، لكن متقفش عند كده، فيه أبناء مخلصين قابلتهم برة كتير جدا، وفيه أبناء مخلصين أيضا في السجن”.
واستكمل: أنا مبسوط أن دي الخطوة الأولى، ومتفائل لأني عارف يا هتاخد يا متاخدش، وأول وش أخدته افتكرت أني خلاص رايح، لحد ما قابلت الدكتور أسامة، أرجو اللي فهمته النهاردة وأسعدني جدا أن هناك انفراجة، وغالبا مش هتبقى عليا أنا بس، وشاكر لكل الناس اللي كانوا خايفين عليا، وبطمنكم، وأنا متجه دلوقتي إلى البيت”.
كان المحامي الحقوقي خالد علي، أعلن وصول الدكتور ممدوح حمزة للقاهرة بعد أيام معدودة من صدور قرار المحكمة بإلغاء قرار (منع السفر وترقب الوصول).
ومنذ مغادرته مصر قبل 3 سنوات و4 أشهر، لم يعد حمزة من الخارج بسبب إدراج اسمه على قوائم الترقب والوصول إثر إدانته غيابيا بحكم قضائي.
وفي أكتوبر 2020، قضت محكمة أمن الدولة (معنية بقضايا الأمن القومي) بحبس حمزة 6 أشهر غيابيا (كونه خارج البلاد) وإدراجه على قوائم الإرهاب إثر إدانته بـ”التحريض على العنف ونشر أخبار كاذبة”.
وفي سبتمبر 2021 أعلنت هيئة دفاع حمزة في بيان، أنه “تم قبول تظلم قضائي من نائب الحاكم العسكري وتقرر إلغاء الحكم وإعادة المحاكمة من جديد”.
فيما ينتظر حمزة جلسة جديدة من جلسات إعادة محاكمته في 30 يونيوالمقبل.
