فيديو| رسالة خالد نجل الصحفية سولافة مجدي في عيد الأم: بحبك انت نور عيني.. عارف إنك مسافرة ومجهزلك مفاجأة لما ترجعوا
كتبت- كريستين صفوان
بعث خالد نجل الصحفيين سولافة مجدي وحسام الصياد، رسالة لوالدته في عيد الأم، قال فيها «انت أغلى أم في الدنيا.. أنا عارف إن أنت مسافرة دلوقتي، وأنت حبيبتي ونور عيني، وأنت أحلى أم في الدنيا، مفيش أحلى أم إلا أنت».
وأضاف خالد، ذو السبع سنوات، في رسالته المصورة لوالدته: «أنا طبعا عارف أنت مش عارفه تعملي حاجه طالما انت مسافرة.. وعقبال ما ترجعوا إن شاء الله أنا مجهزلك مفاجأة ومخبيها لغاية ما ترجعو».
وتابع: «أنا كان نفسي تفضلوا عشان تشتركولي في ملعب الكورة؛ بس للأسف أنتي في السفر بس ان شاء الله لما ترجعوا هتحجزولي».
وواصل قائلا لوالدته: «احنا هنبعتلك أي حاجه أنت عايزاها، وهنعملك التورتة اللي انت عايزاها وأي حاجه أنت تطلبيها احنا نعملها». ثم أختتم رسالته قائلا لوالديه: «إن شاء الله هترجعوا بالسلامة وهنعمل كل حاجه احنا عايزاها وننزل الجنينة.. إن شاء الله.. أنا بحبك يا ماما».
يذكر أن نيابة أمن الدولة العليا، قد قررت الاثنين الماضي 16 مارس، تجديد حبس الصحفية والمصورة سولافة مجدي 15 يوما على ذمة التحقيقات، على ذمة اتهامها في القضية رقم 488 لسنة 2019 حصر أمن دولة عليا.
وتواجه سولافة في القضية، اتهامات بنشر وإذاعة أخبار وبيانات كاذبة، إساءة استخدام وسيلة من وسائل التواصل الاجتماعي، وأخيرا مشاركة جماعة إرهابية مع العلم بأغراضها والترويج لها.
وكانت قوات الأمن، قد ألقت القبض على سولافة وزوجها المصور حسام الصياد وصديقهما محمد صلاح، من إحدى مقاهي حي الدقي، يوم 26 نوفمبر الماضي قبل أنت يختفوا جميعا لمدة 24 ساعة قبل الظهور في نيابة أمن الدولة العليا.
فيديو| رسالة خالد نجل الصحفية سولافة مجدي في عيد الأم: بحبك يا ماما انت نور عيني.. عارف إنك مسافرة ومجهزلك مفاجأة لما ترجعوا
